اوغانستان و سویلی ایشیاءنا بابت امریکی پالیسی نا بارواٹی صدر ٹرمپ نا ساڑی بیان آ بریف کرے
اسلام آباد۔ 22اگست (اے پی پی) وزیر خارجہ خواجہ آصف تون سے شنبے نادے داڑے امریکی سفیر ڈیوڈ ہیل اوڑدہی کرے و اودے اوغانستان و سویلی ایشیاءنا بابت امریکی پالیسی تا بارواٹی صدر ٹرمپ نا ساڑی بیان آ بریف کرے۔ دفترخارجہ نا ترجمان نا رداٹ امریکی سفیر وزیر خارجہ ئِ پارے کہ امریکی سیکرٹری خارجہ ریکس ٹیلرسن بروک آ منہ دے اٹی نے تون اوڑدہی نا چاروک ئِ۔ اوڑدہی ٹی ہڑتوم آ کنڈآتا تعلقداری و سویلی ایشیاءنا بابت پوسکن آ امریکی پالیسی آ سرجم ہیت وگپ مریک۔ وزیر خارجہ خواجہ آصف پارے کہ سیکرٹری خارجہ ٹیلر سن 14 اگست آ ٹیلی فون کریسس و کنے واشنگٹن نا دورہ نا سلہ خلکوسس ہرادے ای امنا کریسٹ۔ وزیر خارجہ اوغانستان اٹی امن و سوگوی کن پاکستان نا خواہش نا اعادہ ئِ کرے۔ اودہشت گردی نا برخلاف جنگ اٹی پاکستان نا بے پناہ قربانی تے تالان کرے۔ وزیر خارجہ پارے کہ پاکستان دہشت گردی نا لعنت نا مون ئِ توننگ کن جہانی برادری تون کاریم ئِ برجاتخک۔

متعلقہ مضامینمصنف کی طرف سے مزید