صوبہ نا جم اٹنگا حالیت خاص کر شونداری ڈٹ و امن و ایمنی نا حالیت آتیا خیال آتا درشانی ئِ کننگا
اسلام آباد۔ 22 اگست (اے پی پی) وزیراعظم شاہد خاقان عباسی تون وزیراعلیٰ سندھ مراد علی شاہ سے شنبے نادے وزیراعظم آفس اٹی اوڑدہی کرے ہراٹی صوبہ نا جم اٹنگا حالیت خاص کر شونداری ڈٹ و امن و ایمنی نا حالیت آتیا خیال آتا درشانی مس۔ وزیراعظم آفس نا کنڈآن جاری بیان نا رداٹ وزیراعظم بنجائی حکومت نا کنڈآن وزیراعلیٰ ئِ پورو کمکاری نا یخین دہانی کرفسا داہیت آ زور شاغا کہ این ایف سی ایوارڈ و 18می ترمیم نا منظوری آن پد وسیلہ غاتا بشخ و پانٹ نا فارمولا ہندی و صوبائی کہول آ الس نا است خواہی تیا پورو سلنگ کن بنجائی اکائی تیا بھلو زمواری اس عائد کیک۔ اوپارے کہ بنجائی حکومت غٹ صوبہ غاتیٹی انفراسٹرکچر و بجلی نا کاختی ئِ مر کننگ کن گدرینگوک آ چار سال اٹی بھاز زیات کڑد ادا کرینے۔

متعلقہ مضامینمصنف کی طرف سے مزید