راجی ارزشت ئِ کار ءُ جاورھال ئِ سرئَ ھیال ءُ لیکہ ئِ درشانی
لاہور۔ 22اگست( اے پی پی)مزن وزیر شاہد خاقان عباسی ئَ پیسرگیں مزن وزیر محمد نواز شریف ئَ گوں سئے شمبے یِ روچئَ جاتی امراءلاہورئَ گندءُ نند کتگ۔ مزن وزیر کارگسئِ نیمگئَ چہ جاری بیان ئِ ردئَ گندءُ نندئِ تہا پنجاپ ئِ سروزیر محمد شہباز شریف ءُ ھزانگئِ وزیر محمد اسحاق ڈار ھم ساڑی بوتگ اَنت۔ گندءُ نند ئِ تہا راجی ارزشت ئِ کار ءُ جاورھالانی سرئَ ھیال ءُ لیکہ ئِ درشانی کنگ بوتگ۔ دیمروئی ایجنڈاءَ را برجم دارگئِ ھاترئَ حکومتئِ کوشستانی سرئَ ھم گپءُ تران بوتگ۔ بیانئِ ردئَ اے موھئَ مزن وزیر ئَ مزن گسی باسک ءُ پارٹی ئِ باسکانی گوما وتی انوگیں گند ءُ نندآنی ھوالگئَ ھم سرپد کتگ۔

متعلقہ مضامینمصنف کی طرف سے مزید