کوئٹہ، پشین ، قلعہ عبداللہ و مستونگ اٹی 8 لکھ چناتے پولیو نا پڑی کنفنگک
کوئٹہ۔ 21 اگست (اے پی پی) بلوچستان نا 4 ضلع کوئٹہ، پشین ، قلعہ عبداللہ و مستونگ اٹی مسہ دے ئی انسداد پولیو مہم بناءکرے ہراٹی دا ضلع غاتا 8 لکھ نا خڑک چناتے پولیو نا پڑی کنفنگک۔ داوخت آ سیکورٹی نا سخت بست و بند کننگانے تانکہ ناخوشگوار واقعہ غاتون بروخت مون تننگ مرے۔ پولیو ایمرجنسی آپریشن سینٹر نا کوآرڈینیٹر سید فیصل احمد نا رداٹ بلوچستان نا چار ضلع ٹی اینو (دوشنبے نادے) آن پولیو بناءکرینے ہراٹی 8 لکھ نا خڑک چناتے پولیو نا پڑی کنفنگک۔ مہم اٹی جم وڑاٹ 3824 ٹیم اوار مریرہ ہرافتے ٹی 3239 موبائل ٹیم، 371ٹرانزٹ پوائنٹس و 214فکسڈ سائٹس مریک۔ اوپارے کہ مہم نا بابت سیکورٹی نا بست وبند ہم کننگانے۔ مہم اٹی غٹ عملہ ئِ فول پروف سیکورٹی تننگک ہراڑآ پولیس، لیویز و ایف سی نا ورناک تعینات مریرہ۔ اوپارے کہ لمہ و باوہ غاتا زمواری ئِ کہ او مہم اٹی پولیو ورکر آتون پبی کمک کیر و تینا چناتے پولیو ویکسین ضرور کنفر تانکہ داخراب انگا ناجوڑی آن جان چٹے۔
