سویلی پنجاپ نا راجی و اقتصادی شونداری حکومت نا اولیت ئِ
مسلم لیگ (ن) نا حکومت علاقہ نا راجی و اقتصادی شونداری کن کاریم ئِ برجاتخک
اسلام آباد۔ 21 اگست (اے پی پی) وزیراعظم شاہد خاقان عباسی پارینے کہ سویلی پنجاپ نا راجی و اقتصادی شونداری حکومت نا اولیت ئِ۔ اوداہیت ئِ ملتان ڈویژن آن تعلق تخوک آ مسلم لیگ (ن) نا قومی اسمبلی نا باسک آتا ڈل اتون ہیت وگپ کرسا پارے ہرادوشنبے نا دے اوڑتون اوڑدہی کریر۔ جاری پریس ریلیز نا رداٹ اوڑدہی ٹی اسمبلی نا باسک آتا تعلقدار حلقہ غاتا شونداری ڈٹ و السی شرحالی اسکیم تیا خیال آتا درشانی مس۔ وزیراعظم پارے کہ مسلم لیگ (ن) نا حکومت سویلی پنجاپ اٹی کیہی شونداری ڈٹ و شرحالی اسکیم تا بنائِ کرے و او آخبت اٹی ہم علاقہ نا راجی و اقتصادی شونداری کن کاریم ئِ برجاتخک۔ اواسمبلی نا باسک آتیا زورشاغاکہ او صفائُ بدلی اس اتنگ کن تندہی و ولولہ تون کاریم کیر و الس خاص کر راج انا نیزگار تپہ غاتسکان رسینگر و اوفتا ویل آتا ایسری ٹی کمک کیر۔ اوڑدہی کروک آتیٹی بنجائی وزیر قومی غذائی رکھ سردار سکندرحیات بوسن، وزیر مملکت آبی وسیلہ سید جاوید علی شاہ، وزیر مملکت سمندرپارپاکستانیز عبدالرحمان کانجو، قومی اسمبلی نا باسک ملک عبدالغفار ڈوگر، رانا محمد قاسم نون، محمد رضا حیات ہراج ، محمد خان ڈاہا، پیر محمد اسلم بودلہ، چوہدری نذیر احمد، ساجدمہدی، طاہر اقبال چوہدری، سعید احمد خان منیس و مسز شاہین شفیق اوار ئسر۔ داوخت آ وزیر پارلیمانی امور شیخ آفتاب احمد و ایلو سینئر باسک آک ہم ساڑی ئسر۔

متعلقہ مضامینمصنف کی طرف سے مزید