پاکستان امریکہ ئِ اہم شریدار ملک تکک، امریکہ تون ساڑی تعلقداری تے پین سوگو جوڑ کننگ نا خواہندار ئِ
اسلام آباد ۔ 17 اگست (اے پی پی) وزیراعظم شاہد خاقان عباسی پارینے کہ پاکستان امریکہ ئِ اہم شریدار ملک تکک و پاکستان امریکہ تون ساڑی آ تعلقداری تے پین سوگو جوڑ کننگ نا خواہندار ئِ۔ اوداہیت ئِ پاکستان اٹی امریکہ نا سفیر ڈیوڈ ہیل تون پنچ شنبے نا دے داڑے وزیراعظم آفس اٹی اوڑدہی ٹی پارے۔ اوڑدہی ٹی پاکستان و امریکہ نا نیام اٹ ہڑتوم آ کنڈآتا معاملہ غاتیا ہیت وگپ کننگا۔ وزیراعظم شاہد خاقان عباسی پارے کہ پاکستان امریکہ ئِ اہم شریدار ملک تکک و پاکستان امریکہ تون ساڑی آ تعلقداری تے پین سوگو جوڑ کننگ نا خواہندار ئِ۔ امریکی سفیر وزارت عظمیٰ نا سنبھالنگ آ وزیراعظم شاہد خاقان عباسی ئِ مبارکبادی تس۔ اوپاکستان تون ہڑتوم آ کنڈآتا کمکاری ئِ مون آ دننگ نا است خواہی نا درشانی ئِ ہم کرے۔
