اسلام آباد۔ 17 اگست (اے پی پی) وزیراعظم شاہد خاقان عباسی پارینے کہ بلوچستان ئِ رقبہ نا لحاظ اٹ پاکستان نا غٹ آن بھلا صوب مننگ نا بناءآ ننا حکومت اولیت تسنے ہرافتا صفادرشانی گوادربندرگاہ، روڈآتا جال وراجی و اقتصادی اسکیم آتون اوار بلوچستان کن سی پیک ڈٹ آتیان مریک۔ اوداہیت ئِ وزیراعلیٰ بلوچستان سردار ثناءاللہ زہری تون ہیت وگپ کرسا پارے ہراپنچ شنبے نادے اوڑتون داڑے اوڑدہی کرے۔ وزیراعظم پارے کہ حکومت صوبہ ٹی امن و ایمنی نا گچینی آ چکار تخانے ہرانا بھرمک ترند تر شونداری نا دروشم اٹ ملانو۔ اوپارے کہ بلوچستان نا الس نا شونداری اونا است آن بھاز خڑک ئُ و بلوچستان ئِ ایلو بنجائی اکائی تا بریبر اتنگ کن غٹ تر وسیلہ غاتے کاریم اٹ اتنگک۔ وزیراعظم پارے کہ او شونداری ڈٹ و امن و ایمنی نا حالیت آتا جاچ اکن بروک آ منہ دے اٹی بلوچستان نا دورہ ئِ کیک۔ وزیراعلیٰ بلوچستان وزیراعظم ئِ منصب سنبھالنگ آمبارکبادی ترسا حکومت نا شونداری ایجنڈا ئِ مون آ دننگ کن پبی مخ تفی نا یخین دہانی کرفے۔
