اسلام آباد ۔16اگست (اے پی پی) وزیر داخلہ پروفیسر احسن اقبال نا کماشی ٹی کراچی ٹی امن و ایمنی ناحالیت آتا بابت دیوان اس اڈ ہلک ۔ چار شنبے نا دے وزارت داخلہ نا کنڈآن جاری بیان نا رداٹ دیوان اٹی ڈی جی رینجرز سندھ و وزارت نا بڑزکو کمامدارآک ساڑی ئسر۔وزیر داخلہ پارے کہ کراچی پاکستان نا معیشت نا شونداری کن مخ انا ملی نا حیثیت تخک ہچ گہس ئِ کراچی نا امن ئِ خراب کننگ نا موکل تفنہ ۔ او پارے کہ ملک دشمن عنصر آ تون ہچ وڑنا نرمی اس کننگپک۔ وزیر داخلہ پارے کہ پرامن سیاست نا شرف ئِ کننگے، دا وخت آ ڈی جی رینجرز وزیر داخلہ ئِ بریفنگ تس وخت اس کہ وزیر داخلہ رینجرز نا لائخی و خذمت آتا ستائِ کرسا پارے کہ رینجرز نا کوشست آتیان شاراٹی ڈوہ تا کچ اٹی بھلو کمتی اس بسنے ۔
