پاکستان تحریک ئِ انصاف ئِ جوڑیشت کار اکبر ایس بابر ئِ ھال رسانکی در آں گوں تران
اسلام آباد ۔ 16 اگست (اے پی پی) پاکستان تحریک انصاف ئِ جوڑیشت کار یں باسک اکبر ایس بابر ئَ پارٹی ئِ سروک عمران خان ئَ را اشتہاری ملزم نامینتگ، چار شمبے ئِ روچ ئَ ادا الیکشن کمیشن ئِ ڈن ئَ میڈیا ئَ گوں تران ئَ آئی ئَ الیکشن کمیشن ئِ پیسلہ ئَ را ساڑات۔ آئی ئَ گوشت کہ ساپ ئُُ تچکیں سیاست ئَ را دیمروئی دیگ ئِ عمران خان ءِ دروگ ئُُ بٹاک سہرا بوھگ ئَ آں، عمران خان دروگیں ئُُ لچی ٹگی ئِ سر ئَ پارٹی ئِ گچین کاری ئِ سبب ئَ پارٹی ئِ سروکی ئِ اُگدہ ئِ سرئَ نشتگ وھدیکہ پارٹی ئِ ایندگہ اُگدہ آنی سر ئَ ھیراتی شپارسی مردم نندارینتگ اَنت۔ آئی ئَ گوشت کہ خیبر پختونخوا ئَ ارا کرپشن ئَ چہ پاک کنگ ئِ مٹ ئَ عمران خان ئَ آھودا کیاسگری ئِ ادارگ ئِ جند ھلاس کتگ۔
