اسلام آباد۔ 16 اگست (اے پی پی) وزارت ڈٹ بندی، شونداری واصلاحات اینخومالی سال نا سرکاری بشخ انا شونداری پروگرام تیٹی کشمیر افیئر و گلگت بلتستان ڈویژن نا شونداری ڈٹ آتے کن جم وڑاٹ داوخت اسکان 9 ارب 61 کروڑ 80 لکھ روپئی آن زیات نا فنڈ جاری کرینے۔ حکومت داہڑتوم آ ڈویژن آتا شونداری کاریم تے کن اینخو مالی سال اٹی 43ارب 64 کروڑ 43لکھ روپئی آن زیات نا فنڈ جتا کرینے۔ پلاننگ کمیشن نا جاری کروک حساب و کتاب نار داٹ حکومت گلگت بلتستان بلاک کن 5 ارب 57 کروڑ 80 لکھ و اے جے کے بلاک کن 4 ارب 4کروڑ روپئی نا فنڈ جاری کرینے۔
