اسلام آباد۔ 15 اگست (اے پی پی) دفترخارجہ نا ترجمان 70 می آجوئی دے انا تاریخی وخت آ حق خودارادیت نا دوئی نا منصفانہ جہد اٹی کشمیری تا غیرمتزلزل مخ تفی ئِ برجاتخنگ نا عزم انا اعادہ ئِ کرسا پارینے کہ پاکستان حق خودارادیت نا دوئی کن کشمیری تا سیاسی، سفارتی و اخلاقی مخ تفی ئِ برجاتخک۔ سے شنبے نا دے تینا اسہ ٹویٹ اسے ٹی ترجمان داعزم انا درشانی ئِ کرینے کہ پاکستان مقبوضہ کشمیر اٹی بھارتی فوج انا دوتے ٹی انسانی حق انا سنگین خلاف ورزی تے غٹ جہانی فورم تیا تالان کرسا کیک۔ اوکودک و بے گناہ کشمیری تے بے رحمی اٹ شہید کننگ نا سخت مذمت ئِ کرے۔ اوپارے کہ کشمیری تا جاری خونریزی، غیر کانودی دزگیری و کشمیری راہشون تا زند ئِ خطرہ ٹی بٹنگ اقوام متحدہ نا منشور ، جہانی کنونشن و زند انا حق انا خلاف ورزی ئِ۔
