مزن وزیر شاہد خاقان عباسی ئِ سی پیک ئِ بابت ئَ پارلیمانی کمیٹی ئِ چیئرمین سینیٹر مشاہد حسین سید ئَ گوں گپ ئُُ تران
اسلام آباد ۔ 15 اگست (اے پی پی) مزن وزیر شاہد خاقان عباسی ئَ گ وشت کہ سی پیک ئِ منصوبگ استیں حکومت ئِ بنداتی کار ئُُ ترجی اِنتئُُ آ بنیاتی کوکا، ریلوے ئُُ ایندگہ شوبگ آں ھوار اے رنگیں شوکیں منصوبگ سر ئَ دیمروئی کار ئَ را زاتی رد ئَ بگرانی ئَ کنگ ئَ آں۔ آئی ئَ اے گپ سی پیک ئِ بابت ئَ پارلیمانی کمیٹی ئِ چیئرمین سینیٹر مشاہد حسین سید ئَ گوں گپ ئُُ تران کنان ءَ گوشت اَنت آئی ئَ سئے شمبے ئَ مزن وزیر کارگس ئَ مزن وزیر ئَ گوں گند ئُُ نند کتگ اَت ئپُ سی پیک ئِ بابت ئَ پارلیمانی کمیٹی ئِ رپوٹ مزن وزیر ئَ را پیش کت۔ سینیٹر مشاہد حسین سید ئَ مزن وزیر شاہد خاقان عباسی ئَ را مزن وزیر ئِ سیٹ ئِ سر ئَ نندگ ئِ مبارکی ھم دات۔ مزن وزیر ئَ گوشت کہ سی پیک نا ایوک ئَ پاکستان بلکینگ ئَ سرجمیں پڑ ئِ ھاترا گیم چینجر اِت۔ سی پیک ئِ منصوبگ پاک چین یکوئی ئَ را گیش کنگ ئِ تلپچیں راستی اِت ئُُ پاکستان ئِ واستہ یک جوانیں باندات ئِ درگت ئَ کمکار ئِ سہرا بیت۔ مزن وزیر ئَ گوشت کہ سی پیک منصوبگ ئِ سر ئَ تپاکی آرگ ئِ بابت ئَ سی پیک ئِ پارلیمانی کمیٹی ئِ کرد ئَ را ساڑات۔
