راولپنڈی ۔ 14 اگست (اے پی پی) کوئٹہ ئَ پاکستان ئِ 70ھپتادھمی اسٹیڈیم ئَ آزاتی پریڈ کنگ بوت ایشی ئِ تہ ئَ ورنا آں برزیں واھگ ئُُ سوت آنی تہ ئَ شہید آنی ھون ئِ ساڑا کت۔ پاک اُرد ئِ شوبگ (آئی ایس پی آر) ئِ نیمگ ئَ جاڑی بوتگیں ھال آنی رد ئَ اے مراگش ئِ ساھت ئَ پشین اسٹاپ ئِ شہید ئِ ھاترا یک منٹ ئِ ھاموشی کنگ بوت ایشی ئِ تہ ئَ اے جزم ئِ درشان کنگ بوت کہ پاکستان ئِ ھلاپ ئَ بوتگیں توامیں پندل آناں ناکام کنگ بیت۔ بگٹی اسٹیڈیم ئَ برجم داشتگیں پریڈ ئَ گورنر محمد خان اچکزئی ، سر وزیر ئِ بلوچستان نواب ثناءاللہ خان زہریی ئُُ کمانڈر سدرن کمانڈ لیفٹیننٹ جنرل عامر ریاض ئَ بیرک بُرز کت ئُُ پاک اُرد ئِ ورنا آں قومی بیرک ئَ را سلامی دات۔ مراگش ئِ ھاسیں مہمان گورنر بلوچستان محمد خان اچکزئی اَت وھدیکہ صوبائی وزیر، اسمبلی ئِ باسک، ٹوھیں سول ئُُ اُردی اپسرگ آں ھوات شہری آنی مزنیں کساس ئَ مراگش ئَ بھر زُرت۔ مراگش ئِ بندات تلاوت ئِ کلام ئِ پاک ئِ سر ئَ کنگ بوت مراگش ئَ ملک ئِ نامداریں وش توار آں راجی سوت جت وھدیکہ چینی ازمکار آں پاکستان ئِ آزاتی ئِ روچ ئِ موہ ئَ ھاسیں رنگ ئَ بھر زوری کت ئُُ وتی اِزم ئِ درشان کت۔ آزاتی پریڈ ئِ مراگش ئَ گشتانک دیان ئَ کمانڈرسدرن کمانڈ لیفٹیننٹ جنرل عامر ریاض ئَ گوشت کہ بلوچستان ئِ اِچ بھر اے وڑ نہ اِنت کہ آھودا پاکستان زندہ باد ئِ بھردگ ئِ توار مہ بیت۔ مراگش ئِ گڈ ئَ جوانیں چیپ آنی روژنا کنگ بوت۔
