آرمی چیف ئِ بھارتی فوج انا کنڈآن کنٹرول لین آ جنگ بندی نا غیر معمولی خلاف ورزی تیٹی ودکی و پاکستانی فوج انا گچین ورندی تا بارواٹی معلومدار کننگا
راولپنڈی۔ 14 اگست (اے پی پی) بری فوج انا سروک جنرل قمر جاوید باجوہ دوشنبے ناد ے کنٹرول لین آ مون نا ناﺅچہ غاتا دورہ ئِ کرے۔ پاک فوج انا شعبہ تعلقات عامہ (آئی ایس پی آر) نا کنڈآن داڑے جاری بیان نا رداٹ داوخت آ آرمی چیف ئِ بھارتی فوج انا کنڈآن کنٹرول لین آ جنگ بندی نا غیر معمولی خلاف ورزی تیٹی ودکی و پاکستانی فوج انا گچین ورندی تا بارواٹی معلومدار کننگا۔ آرمی چیف ئِ پاننگاکہ پاک فوج کسبی اقتدار اٹ کنٹرول لین نا خڑک سویلین آبادی ئِ نشانہ جوڑ کننگ نا بھارتی فوج آمبار نا گام انا ورندی تننگ آن تورک۔ آرمی چیف فوجی تا جوزہ نا ستائِ کرے و پارے کہ جشن آجوئی ئِ وطن نا دفاع آن گچین وڑاٹ اڈتننگ مفک۔ آرمی چیف پارے کہ بھارتی فوج انا ظلم و ستم مقبوضہ کشمیر نا بہادر کشمیری تا قربانی و جوزہ غاتے چٹفنگ کپک۔ اوپارے کہ جبرو استبداد نا برخلاف کشمیری تا جہد اٹی نن مدام اوفتے تون تفنہ۔ داکان مست مون نا ناﺅچہ غاتیا سرمننگ آ کورکمانڈر راولپنڈی لیفٹیننٹ جنرل ندیم رضا آرمی چیف ئِ بخیر کرے۔
