گال۔ 25جولائی (اے پی پی) سری لنکا و بھارت ناکرکٹ ٹیم تا نیام اٹ مسہ ٹیسٹ میچ آتیا تالان سیریز نا اولیکو ٹیسٹ (اینو) چارشنبے نا دے آن 30جولائی اسکان گوازی کننگک۔ سرجم احوال آتارداٹ بھارتی کرکٹ ٹیم دادے تیٹی سری لنکا نا دورہ غاٹی ئِ ہراڑے او مسہ ٹیسٹ ، پنچ ون ڈے و اسٹ انگا ٹی 20 میچ اس گوازی کیک۔ ہڑتوم آ ٹیم تا نیام اٹ سیریز نا اولیکو ٹیسٹ 26جولائی آن گال انٹرنیشنل اسٹیڈیم اٹی بناءکیک۔ ارٹ میکو ٹیسٹ 3آن 7 اگست اسکان کولمبو وخت اس کہ مسٹ میکو وآخریکو ٹیسٹ 12آن 16اگست اسکان پالے کیلی ٹی گوازی کننگک۔ ہڑتوم آ ٹیم تا نیام اٹ ون ڈے سیریز نا اولیکو میچ 20 اگست، ارٹ میکو 24اگست، مسٹ میکو27اگست، چارمیکو 31اگست وخت اس کہ پنچ می و آخریکو ون ڈے 3ستمبر آ گوازی کننگک۔ دورہ ٹی اوار اسٹ انگا ٹی 20 انٹرنیشنل 6ستمبر آ کولمبو ٹی گوازی کننگک۔