راولپنڈی۔17اپریل (اے پی پی): پاکستان ءِ اُرد ءِ سروک جنرل سید عاصم منیر ءَ گْوشتگ کہ شھید ءُ غازی مئے شان اَنت، آھانی شرپ ءُ شرپ ھمک پاکستانی ءِ پرز اِنت۔ مرچی ما ھما امن ءُ آجوئی ءَ گوں وشھال ایں، اے دلیریں زھگانی مزنیں قربانیانی آسر اِنت۔ آئی ءَ راولپنڈی ءَ پاک فوج ءِ جنرل ہیڈ کوارٹر (جی ایچ کیو) ءَ پاک فوج ءِ افسر ءُ سپاھیگ آناں وتی غیر معمولی جرات، بہادری ءُ راج ءِ ھزمت ءِ سر ءَ فوجی ایوارڈ دیگ ءِ یک پُرمڑاھیں مراگشے ءَ گوں گشتانک دیگ ءَ ات۔ آئی ایس پی آر ءِ رد ءَ آرمی ءِ جنرل سید عاصم منیر ءَ افسر ءُ سربازاں ایوارڈ داتگ ۔ اے مراگش ءَ داد زرتگیں اُرد آنی ھاندان ءِ مزنیں کساسے ءَ ھوار مزنیں لشکری کارندہ ھم ھوار بوتگ اَنت۔ مراگش ءِ تہ ءَ اسٹار آف آنر (ملٹری) ءُ میڈل آف آنر ءَ ھوار جتا جتائیں داد دیگ بوتگ اَنت۔ شہیداں چہ وتی مرگ ءَ پد داد دیگ بوتگ کہ آہانی ھاندان ءَ گوں مزنیں فخرے ءَ رستگ۔ مراگش ءَ گوں گشتانک دیان ءَ آرمی چیف ءَ شہید آنی ھاندان آنی صبر ءُ دلیری ءَ را شگر ءُ منت درشان کت ءُ گوشت کہ آہانی بے دروریں جزبگ ءُ قربانی شموشکار نہ بنت۔ آرمی چیف ءَ پاک فوج ءُ کانود نافذ کنوکیں ادارگ آنی جزم ءُ آجوئی ءِ توسیپ کت ءُ ناشرکاری ءِ حلاف ءَ برجاھیں آپریشن آنی تہ ءَ آوانی ازمت آنی سر ءَ شگر ءُ منت گپت۔ آئی ءَ گوشت کہ سیکورٹی فورسز ءَ بازیں ناشرکاری اُرش ناکام کتگ اَنت ءُ کلیدی ناشرکاری کمانڈر آناں ھلاس کتگ۔
