برطانیہ ءِ فیتھ ءُ کمیونٹیز ءِ وزیر لارڈ واجد خان ءَ تہی کارانی وزیر محسن نقوی ءَ گوں گند ءُ نند کتگ، جعفر ایکسپریس ءِ سر ءَ اُرش  ءَ  را  مذمت

اسلام آباد۔17اپریل  (اے پی پی): بنجاھی تہی کارانی وزیر محسن نقوی ءَ برطانیہ ءِ فیتھ ءُ  کمیونٹیز ءِ وزیر لارڈ واجد خان ءَ گوں گند ءُ  نند کتگ، ایشی ءِ تہ ءَ پاک برطانیہ ءِ سیادی، ناشرکاری ءِ ھلاپ ءَ جنگ، سیکورٹی ءُ  کراس بار ءِ جرم ءِ گر ءُ  دار ءَ ھوار جتا جتائیں پڑ آنی تہ ءَ کمک ءَ را گیش کنگ ءِ جیڈھ آنی سر ءَ تران کتگ۔ اے موہ ءِ سر ءَ تہی کارانی وزیر مملکت طلال چوہدری، برطانیہ ءِ ہائی کمشنر جین میریٹ ءُ  ہوم سیکرٹری خرم آغا ھم ساڑی ات۔ تہی کارانی وزیر محسن نقوی ءَ گوشت کہ پاکستان برطانیہ ءِ گوما وت مہ وتی سیت ءِ توامیں شوبگ آنی تہ ءَ دو نیمگی کمک ءَ را گیش دیمروئی دیگ لوٹ ایت۔ برطانیہ ءِ وزیر لارڈ واجد خان ءَ جعفر ایکسپریس ءِ سرا اُرش ءِ مذمت کتگ ءُ اے وئیل ءَ شہید بوتگیں مردمانی کھول ءِ گوما دلپدردی ءِ درشانی کتگ۔ برطانیہ ءِ وزیر لارڈ واجد خان ءَ گوشت کہ ناشرکاری ءِ ھلاپ ءَ جنگ ءَ پاکستان ءِ بے دروریں قربانی آناں ساڑا آں ۔ تہی کارانی وزیر محسن نقوی ءَ گوشت کہ پاکستان ءِ ایمنیتی فورس آنی مزنیں قربانی دگنیا ءِ دیم ءَ مثال انت۔ پاکستان سرجمیں دگنیا ءِ تہ ءَ ایوکیں ملک اِنت کہ آئی ءِ ھر تبک ءِ آبادی ءَ ناشرکاری ءِ ھلاپ ءَ جنگ ءَ بے دروریں قربانی داتگ۔  اے جنگ ءَ میان استمانی براتی ءَ پاکستان ءِ کمک کنگی اِنت ءُ اے درگت ءَ برطانیہ ءِ کرد سک باز المی اِنت۔ لارڈ واجد خان ءَ اوگان پناہ گزین آنی برطانیہ ءَ جاہ منند کنگ ءِ آسراتی ءِ واستہ ہوم آفس ءِ منت گپت۔ وزیر داخلہ محسن نقوی ءَ گوشت کہ ناجائزیں درملکی مردم آنی وطن ءَ واتر کنگ ءِ عمل آسانی ءَ برجاہ اِنت، ءُ  ناجائزیں رنگ ءَ نندوکیں درملکی مردم آناں شرپ ءُ  شرپ ءِ گوما وتی وطن ءَ پدا دیم دیگ بوھگ ءَ اِنت۔ قانونی اسناد ءِ واھندیں درملکی شہری آنی ھلاپ ءَ ھچ وڑیں گامگیج زورگ نہ بوھگ ءَ اِنت۔ تہی کارانی وزیر مملکت طلال چوہدری ءَ گوشت کہ وطن واتر کنگ ءِ عمل ءَ ناجائزیں دری مردم آناں ھمک رنگ ءِ آسراتی پجاری کنگ بوھگ ءَ انت۔