اسلام آباد۔ 23جون (اے پی پی) وزیراعظم شہباز شریف ادائیگی تا ڈیجیٹل نظام راست ءِ بنجاتون اوار غٹ صوبہ غاتیٹی جوڑ کننگ نا پارت کرساپارینے کہ زرگزران اٹی شفافیت اتنگ کن ڈیجیٹل لین دین نا نظام اس جوڑ کننگ بھاز اہم ءِ، مچ آ دنیا ٹی شون ہلوک ملک و سرسہب زرگزران تیٹی کیش لیس نظام ءِ اولیت تننگ انگ ءِ۔ پی ایم آفس نا میڈیا ونگ آن جاری پریس ریلیز نا رداٹ دوشنبے نادے آ وزیراعظم محمد شہباز شریف نا کماشی ٹی کیش لیس اکانومی نا بابت دیوان اس اڈہلک۔ وزیراعظم محمد شہباز شریف ڈیجیٹل پیمنٹس انوویشن اینڈ ایڈاپشن کمیٹی، ڈیجیٹل پبلک انفراسٹرکچر کمیٹی و گورنمنٹ پیمنٹس کمیٹی اس جوڑ کننگ ناپارت کرے، دا خصوصی غٹ کمیٹیک الس و کاروباری بند غ آتا نیام اٹ ادائیگی تیکن آسراتی فراوان کننگ، ڈیجیٹل نظام نا بابت آگاہی، پاکستان ڈیجیٹل اتھارٹی ءِ فعال کننگ، قومی ڈیجیٹل ماسٹر پلان اس جوڑ کننگ و حکومت و نجی بشخ انا نیام اٹ لین دین ءِ آسان کننگ نا بابت سلاہ و سوج پیش کیرہ۔ وزیراعظم کیش لیس نظام ءِ مون آدننگ کن ڈیجیٹل لین دین ءِ الس کن کیش انا نسبت اڑزان و آسان کننگ ناپارت کرے۔ اوادائیگی تا ڈیجیٹل نظام راست ءِ بنجاتون اوار غٹ صوبہ غاتیٹی جوڑ کننگ نا پارت کرساپارے کہ زرگزران اٹی شفافیت اتنگ کن ڈیجیٹل لین دین نا نظام اس جوڑ کننگ بھاز اہم ءِ، مچ آدنیاٹی شون ہلوک ملک و سرسہب زرگزران تیٹی کیش لیس نظام ءِ اولیت تننگ انگ ءِ۔ وزیراعظم پارے کہ لین دین و ادائیگی تا ڈیجیٹل نظام نا جوڑ کننگ کن پوسکن آ ٹیکنالوجی ءِ کاریم اٹ اتنگے ، بینکاری نظام نا رداٹ گردش کروک آ زر آتے حکومتی ڈٹ آتیٹی زرکاری کن کاریم اٹ اتنگ مریک۔ اوسرکاری و نجی بشخ آتا نیام اٹ لین دین ءِ کیش لیس کننگ ناپارت کرے۔ دیوان اٹی وزیراعظم ءِ ملک اٹی کیش لیس نظام اس جوڑ کننگ کن گام گیج آتا پیش رفت نا بابت معلومدار کننگا۔ حوال اٹی پاننگاکہ داوخت آ راست سسٹم آن 4 کروڑ صارف فائدہ ہرفنگ ءُ ہرافتا کچ ءِ ودفنگ کن چندی گام گیج کننگ انگ ءِ، بنجائی حکومت نا غٹ مالی لین دین تے راست سسٹم نا کمک اٹ کننگ انگ ءِ و دا نظام صوبہ غاتیٹی ہم لاگو کننگ انگ ءِ۔ حوال اٹی پاننگاکہ فنٹیک دا ایکوسسٹم نا اسہ اہم ءُ کڑی اسے، پاکستان ڈیجیٹل اتھارٹی جوڑ کننگانے و اونا رداٹ ملکی زرگزران ءِ کیش لیس کننگ آ کاریم برجاءِ، ڈیجیٹل پبلک انفراسٹرکچر کمیٹی بنجائی وزارت آئی ٹی نا کماشی ٹی کاریم کیک۔ حوال اٹی پاننگاکہ کیش لیس پاکستان سٹیئرنگ کمیٹی وزارت آئی ٹی سیکرٹریٹ اٹی جوڑ ءِ، سمارٹ اسلام آباد پائلٹ ڈٹ انا رداٹ وزارت آئی ٹی اسلام آبا د ءِ پاکستان نا اولیکو کیش لیس شار اس جوڑ کننگ کن گام گیج ہلنگ ءِ۔ دیوان اٹی بنجائی وزیر اقتصادی امور احدخان چیمہ، بنجائی وزیر پیٹرولیم علی پرویز ملک، بنجائی وزیر آئی ٹی شزاہ فاطمہ خواجہ، بنجائی وزیر چاگڑدی بدلی ڈاکٹر مصدق مسعود ملک، گورنر اسٹیٹ بینک، چیئرمین ایف بی آر و تعلقدار ادارہ غاتا بڑزکو آفیسر آک شریک ئسر۔
