اسلام آباد۔23جون (اے پی پی): راجی سلامتی کمیٹی ءَ فردو، نطنز ءُ اصفہان ءَ ایران ءِ ایٹمی آسراتی آنی سر ءَ اُرش آنی پد ءَ گیشیں گیشی ءِ امکان ءِ سر ءَ سک باز جیڈھ ءِ درشانی کتگ ءُ اے اُرش آناں انٹرنیشنل ایٹمی توانائی ءِ چارٹر ایجنسی یونائیٹڈ کانود ءِ سنگینیں ھلاپ ورزی لیک اِتگ۔ مزن وزیر کارگس ءِ میڈیا ونگ ءِ نیمگ ءَ چہ جاڑی بوتگیں بیان ءِ رد ءَ دو شمبے ءِ روچ ءَ مزن وزیر محمد شہباز شریف ءِ سروکی ءَ راجی سلامتی کمیٹی ءِ ھاسیں دیوان برجم دارگ بوتگ کہ ایشی ءِ تہ ءَ ایران ءِ سر ءَ اسرائیل ءِ زوراکی ءَ پد پیداکیں دمگی جاور ھال آنی سر ءَ سرجمیں چار ءُ تپاسی کنگ بوتگ۔ دیوان ءَ اسرائیل ءِ زوراکیں کارانی سک باز مذمت کتگ ءُ اے گپ ءِ سر ءَ اپسوز کتگ کہ اے فوجی اُرش ھما وھد ءَ کنگ بوتگ اَنت کہ ایران ءُ امریکہ ءِ نیام ءَ جوڑیشت ءِ گپ ءُ تران برجاہ اِنت۔ کمیٹی ءَ اے غیر ذمہ واریں کارروائی آناں دمگ ءِ تہ ءَ گیش بوھوکیں کش ءُ چیل ءِ سبب لیک اِتگ کہ ایشی ءَ چہ گیشیں جیڑھ ءُ جنجال ءِ شعلہ وار بوت کنت ءُ گپ ءُ تران ءُ سفارتکاری ءِ موہ آناں ھراب کنگ بوت کنت۔ راجی سلامتی ءِ کمیٹی ءَ ایران ءِ وت دفاع ءِ حق ءِ دوبر پدر کنگ ءَ پد اقوام متحدہ ءِ منشور ءِ تہا ھواریں وت دفاع ءِ حق ءَ را من اِتگ۔ کمیٹی ءَ ایران ءَ بے میاریں مردمانی بیرانی ءِ پد ءَ ایران ءِ حکومت ءُ الس ءَ گوں دل ءِ جہلانکی ءَ دلپدردی ءِ درشانی کتگ ءُ ٹپیگانی زوت جان سلامتی ءِ دعا کتگ۔ پاکستان ءِ اصولی موقف ءِ پدا پدر کنان ءَ کمیٹی ءَ 22جون ءَ فورڈو، نتانز ءُ اصفہان ءَ ایران ءِ ایٹمی آسراتی آنی سر ءَ اُرش آنی پد ءَ گیشیں گیشی ءِ گمان ءِ سر ءَ سک باز جیڈھ ءِ درشانی کت۔ گند ءُ نند ءَ سیادی داروکیں فریق آنی گوما نزیکیں سفارتی شور ءُ سلاھ ءِ پاکستان ءِ پالیشی ءِ پدا پدر کنگ بوت ءُ پاکستان خطہ ءَ امن ءُ ایمنی ءِ دیمروئی ءِ واستہ وتی کوشست ءُ گامگیج آناں برجاہ دار ایت۔ راجی سلامتی کمیٹی ءَ اقوام متحدہ ءِ منشور ءِ رژنائی ءَ گپ ءُ تران ءُ سفارتکاری ءِ وسیلگ ءَ اے جیڈھ ءِ گیش ءُ گیوار ءِ شوھازگ ءِ لوٹ کرتگ۔ کمیٹی ءَ اے گپ ءِ سر ءَ زور پر دات کہ توامیں فریق آں میاں اوستمانی انسانی ھک ءُ انسانی کمک ءِ کانود ءِ سر ءَ سرجمیں رنگ ءَ تعلیم کنگ بہ بیت۔
