اسلام آباد۔23جون (اے پی پی): مزن وزیر محمد شہباز شریف ءَ فیڈریشن ءَ ھوار توامیں صوبگ آنی تہ ءَ ڈیجیٹل پیمنٹ سسٹم راست ءِ جوڑ کنگ ءِ ہدایت کتگ ءُ گوشت کہ معیشت ءِ تہ ءَ شفافیت آرگ ءِ واستہ ڈیجیٹل ٹرانزیکشن سسٹم ءِ جوڑ کنگ سک باز المی اِنت۔ کیش لیس سسٹم ءَ را سرجمیں دنیا ءَ دیمروئی کتگیں ملک ءُ سوبمندیں معیشت آنی تہ ءَ ترجیح دیگ بوھگ ءَ اِنت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں پریس ریلیز ءِ رد ءَ دو شمبے ءِ روچ ءَ مزن وزیر محمد شہباز شریف ءِ سروکی ءَ کیش لیس معیشت ءِ ھوالگ ءَ دیوان برجم دارگ بوت۔ مزن وزیر محمد شہباز شریف ءَ ڈیجیٹل پیمنٹس انوویشن اینڈ ایڈوپشن کمیٹی، ڈیجیٹل پبلک انفراسٹرکچر کمیٹی ءُ گورنمنٹ پیمنٹس کمیٹی جوڑ کنگ ءِ ہدایت کتگ۔ اے ھاسیں ذیلی کمیٹی الس ءُ کاروباری مردم آنی نیام ءَ ادائیگی ءِ واستہ آسراتی پجارینگ، ڈیجیٹل سسٹم ءِ بابت ءَ سرپدی دیگ، پاکستان ڈیجیٹل اتھارٹی ءَ را چالو کنگ، راجی ڈیجیٹل ماسٹر پلان ءِ تیاری ءُ حکومت ءُ جندی شوبگ ءِ نیام ءَ لین دین ءِ آسراتی ءِ ھوالگ ءَ سفارش پیش کن اَنت۔ مزن وزیر ءَ کیش لیس نظام ءَ را دیمروئی دیگ ءِ واستہ ڈیجیٹل ٹرانزیکشن ءَ را نقد ءِ مقابلہ ءَ الس ءِ واستہ ارزان ءُ آسان جوڑ کنگ ءِ ہدایت کت۔ آئی ءَ وفاق ءَ ھوار توامیں صوبگ آنی تہ ءَ راست ڈیجیٹل ادائیگی ءِ نظام ءِ جوڑ کنگ ءِ ہدایت کت ءُ گوشت کہ معیشت ءَ شفافیت آرگ ءِ واستہ ڈیجیٹل ٹرانزیکشن سسٹم ءِ جوڑ کنگ سک باز المی انت۔ کیش لیس نظام ءَ را سرجمیں دنیا ءَ دیمروئی کتگیں ملک ءُ سوبمندیں معیشت آنی تہ ءَ ترجیح دیگ بوھگ ءَ اِنت۔ مزن وزیر ءَ گوشت کہ ڈیجیٹل ادائیگی ءِ نظام ءِ جوڑ کنگ ءِ واستہ ٹرانزیکشن ءُ ماڈرن ٹیکنالوجی ءَ را کارمرد کنگ بہ بیت۔ بینکنگ سسٹم ءِ چیر دستی ءَ گردش کنوکیں فنڈز ءَ را سرکاری منصوبگ آنی تہ ءَ سرمایہ کاری ءِ واستہ کارمرد کنگ بوت کنت۔ آئی ءَ سرکاری ءُ نجی شعبہ ءِ نیام ءَ لین دین ءَ را کیش لیس کنگ ءِ ہدایت کتگ۔ گند ءُ نند ءَ مزن وزیر ءَ را ملک ءَ کیش لیس سسٹم جوڑ کنگ ءِ واستہ گامگیج آنی دیمروئی ءِ بابت ءَ سرپد کنگ بوت۔ بریفنگ ئِ تہ ئَ گوشگ بوت کہ اے وھد ئَ راست سسٹم ئَ چہ 40 ملین کارمرز کنوک سیت چست کنگ ئَ اَنت ایشانی کساس ئَ را گیش کنگ ئَ اِنت، بازیں گامگیج زورگ ئَ اِنت، بنجاھی حکومت ئِ دراہیں مالیاتی لائنز رست سسٹم ئِ وسیلگ ئَ کنگ بوھگ ئَ اِنت ئُُ صوبگ آنی تہ ئَ اے سسٹم ھم ایر کنگ بوھگ ئَ اِنت۔ بریفنگ ءَ گوشت کہ فن ٹیک اے ماحولیاتی نظام ءِ تہ ءَ یک ھاسیں لنک اِنت۔ پاکستان ڈیجیٹل اتھارٹی جوڑ کنگ بوتگ ایشی ءِ چیر دستی ءَ ملک ءِ معیشت ءَ را کیش لیس جوڑ کنگ ءِ واستہ کار برجاہ انت۔ ڈیجیٹل پبلک انفراسٹرکچر کمیٹی آئی ٹی ءِ بنجاھی وزارت ءِ سروکی ءَ کار کنت۔ بریفنگ ءِ تہ ءَ گوشت بوت کہ وزارت ءِ آئی ٹی سیکرٹریٹ ءَ کیش لیس پاکستان اسٹیئرنگ کمیٹی جوڑ کنگ بیت۔ اسمارٹ اسلام آباد پائلٹ پروجیکٹ ءِ چیر دستی ءَ آئی ٹی ءِ وزارت اسلام آباد ءَ را پاکستان ءِ اولی کیش لیس شہر جوڑ کنگ ءِ واستہ گامگیج کنگ ءَ انت۔ گند ءُ نند ءَ بنجاھی وزیر اقتصادی امور احد خان چیمہ، بنجاھی وزیر پٹرولیم علی پرویز ملک، بنجاھی وزیر آئی ٹی شیزہ فاطمہ خواجہ، موسمیاتی بدلی ءِ بنجاھی وزیر ڈاکٹر مصدق مسعود ملک، گورنر اسٹیٹ بینک، چیئرمین ایف بی آر ءُ سیادی داروکیں ادارگ آنی مزنیں افسر آں بہر زرتگ۔
