اسلام آباد۔23جون (اے پی پی): موسمی مٹ ءُ بدلی ءِ بنجاھی وزیر ڈاکٹر مصدق مسعود ملک ءَ مزن وزیر محمد شہباز شریف ءَ گوں گند ءُ نند کت ءُ پاکستان ءِ نیمگ ءَ دیم داتگیں سفارتی ڈل ءِ گند ءُ نند آنی بابت ءَ سرپد کت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ بلاول بھٹو زرداری ءُ ڈل ءِ ایندگر باسک آناں گوستگیں بھارتی بے جائزیں فوجی ءُ آپی زوراکی ءَ را دگنیا ءِ دیم ءَ پدر کنگ ءُ امریکہ ءُ یورپ ءِ سوبمندیں سفارتی تر ءُ تاب ءِ سر ءَ شگر ءُ منت گپت۔ گند ءُ نند ءَ وزارت ءِ موسمی مٹ ءُ بدلی ءِ چیر دستی ءَ حکومت ءِ نیمگ ءَ موسمی مٹ ءُ بدلی ءِ تاوان ءِ گر ءُ دار ءِ واستہ کتگیں گامگیج آنی سر ءَ ھم ھیال ریچی کنگ بوت۔
