انگلینڈ و بھارت نا ٹیمک آئی سی سی ویمنز ورلڈ کپ انا فائنل میچ اٹی مون پہ مون مریرہ
لندن۔ 21جولائی (اے پی پی) آئی سی سی ویمنز ورلڈ کپ ایسری نا مرحلہ نا کنڈآ روان ئِ۔ انگلینڈ و بھارت نا کرکٹ ٹیم تا نیام اٹ آئی سی سی ویمنز ورلڈ کپ نا فائنل میچ (پگہ) یک شنبے نا دے آ کولارڈز، لندن اٹی گوازی کننگک۔ میچ پاکستان نا معیاری وخت انا رداٹ پیشیم نا 2بجہ ئُ 30 منٹ آ بناءکیک۔ داکان مست میگا ایونٹ نا اولیکو سیمی فائنل میچ اٹی انگلینڈ نا ٹیم سویلی افریقہ نا ٹیم ئِ شکست ترسا فائنل ئِ گوازی کننگ نا اعزاز ئِ کٹا وخت اس کہ بھارت نا ٹیم ارٹ میکو سیمی فائنل میچ اٹی آسٹریلیا ئِ کٹسا ایونٹ نا فائنل کن کوالیفائی کرے۔ میگا ایونٹ نا فائنل میچ اٹی سرسہبی کن ہڑتوم آ ٹیم تاکیپٹن آک بیان تسنو۔ دا اعتبار آن اومیت کننگ انگ ئِ کہ میگا ایونٹ نا فائنل ہڑتوم آ ٹیم تا نیام اٹ سخت و کانٹہ دار مریک۔
