اسلام آباد۔16اکتوبر (اے پی پی):چین ءِ مزن وزیر لی چیانگ ءَ پاکستان ءِ تر ءُ تاب ءَ پد نور خان ءِ بالی پٹ ءَ ایس سی او ءِ بنجاھی وزیر ءِ سروک دیوان ءَ بہر زورگ ءَ پد وتی ملک ءَ شتگ۔ اے موہ ءِ سر ءَ بنجاھی وزیر ءَ گوشت کہ منی اُمیت اِنت شما زوت پاکستان ءَ واتر کن اِت، سی پیک چین ءِ دیوال ءِ وڑ ءَ پاکستان ءُ چین دوستی ءِ سنگ میل اِنت۔ چینی مزن وزیر لی چیانگ ءَ سی پیک ءِ واستہ بنجاھی وزیر احسن اقبال ءَ را خراج تحسین پیش کت۔ چین ءِ مزن وزیر لی چیانگ ءَ گوشت کہ من پدا پاکستان ءَ کایاں، پاکستان چین ءِ آہنی برات انت، وشیں مہمان داری ءِ پد ءَ پاکستان ءِ الس ءُ مزن وزیر شہباز شریف ءِ منت ءَ گراں
