اسلام آباد (اے پی پی): مزن وزیر محمد شہباز شریف ءَ پاکستان ءُ روس ءِ سیادی ءَ را مھکم کنگ ءِ جزم ءِ یک رندے پدا گوشت کہ اقوام متحدہ ءُ شنگھائی کمکی گل ءِ تہ ءَ کثیر نیمگی فورم آنی تہ ءَ دوئیں ملک آنی نیام ءَ ھمگرنچی برجاہ اِنت۔ سوشل میڈیا پلیٹ فارم ایکس ءَ چار شمبے ءِ روچ ءَ آئی ءَ گوشت کہ آئی ءَ روسی فیڈریشن ءِ مزن وزیر میخائل مشوسٹن ءِ گوما سک باز ھاسیں گند ءُ نند کتگ 2019 ءِ سرجمیں تک ءُ پہنات آنی سر ءَ گپ ءُ تران کتگ۔ پاکستان ءُ روس ءِ سیادی ءَ را مھکم کنگ ءِ واستہ پاکستان ءِ جزم ءِ پدا زور دات۔ آئی ءَ گوشت کہ گند ءُ نند ءَ دمگی ءُ جھان ءِ دیمروئی آنی سر ءَ ھم ھیال ریچی کنگ بوت۔ ما اقوام متحدہ ءُ شنگھائی کمک ءِ گل ءَ ھوار کثیر جہتی فورم آنی تہ ءَ ھمگرنچی ءِ برجاہ دارگ ءِ سر ءَ ھم تپاک کتگ۔
