اسلام آباد۔ 16 اکتوبر (اے پی پی) وزیراعظم محمد شہباز شریف اومیت ظاہر کرینے کہ شنگھائی کمکار تنظیم ڈیہہ واوڑآن پیشن نا الس کن ہم اسہ روشناءُ آخبت اسے نا روشنائی مننگ کیک۔ چارشنبے نادے آ ایکس آ تینا اسہ کلہو اسے ٹی وزیراعظم شہباز شریف پارے کہ 23 می شنگھائی کمکار تنظیم نا سروک حکومت نا کونسل نا دیوان نا کماشی ءِ کننگ نا اعزاز دوئی مس ہراڑآن تران کرسا پاکستان نا ہمو کڑد ءِ مون آتخاٹ ہرا پائیدار شونداری ، علاقائی رابطہ و اقتصادی شریداری ءِ ودفنگ، موسمیاتی بدلی ءِ سوگو کننگ و نیزگاری نا چٹفنگ کن کڑد ادا کننگ کیک۔ اوتین پہ تینی کمکاری و جہانی مالیاتی نظام اٹ اصلاحات نا اہمیت ءِ تالان کرسا اسہ کنڈی گام گیج آتیا گڑتی نا درشانی ءِ کرے ہرا جہانی کانود آن چپ ءُ۔
