اسلام آباد۔ 16 اکتوبر (اے پی پی) چین نا وزیراعظم لی چیانگ پاکستان نا دورہ و ایس سی او سروکی دیوان اٹی بشخ ہلنگ آن پد تینا وطن آ روانہ مس۔ چارشنبے نادے آ نورخان ایئر بیس آ بنجائی وزیر ڈٹ بندی و شونداری احسن اقبال سپارا۔ داوخت آ بنجائی وزیر پارے کہ اومیت ءِ نی زوت دُوارہ پاکستان آ بریسہ، سی پیک پاک چین سنگتی نا دیوال چین آنبار مزل نا نشان ءِ۔ چین نا وزیراعظم لی چیانگ بنجائی وزیر احسن اقبال ءِ سی پیک کن خذمت آتیا خراج تحسین پیش کرے۔ چینی وزیراعظم لی چیانگ پارے کہ ای دُوارہ پاکستان آ بریوہ، پاکستان چین نا آئرن ایلم ءِ، ای پاکستان نا الس و وزیراعظم شہباز شریف نا شاندار مہمانداری آ منت واری ءِ ہرفیوہ۔
