پاک- کرغزستان تجارتی  ءُ اقتصادی یکوئی آنی دیمروئی ءِ واستہ  دو نیمگی  منوگری   آنی سر ءَ  پد ءُ رندی ءَ جزمیگ  انت،  بنجاھی وزیر احد  خان چیمہ

اسلام آباد۔16اکتوبر  (اے پی پی):بنجاھی  وزیر اقتصادی کار احد خان چیمہ  ءَ پاکستان ءُ  میاں اوستمانی ریاست کرغزستان ءِ نیام ءَ دو نیمگی تجارتی ءُ  اقتصادی سیادی آناں دیمروئی دیگ ءِ ضلورت ءِ سر ءَ زور پر دات ءُ  گوشت کہ پاکستان وت مہ وتی سیادی آناں دیمروئی دیگ ءِ واستہ دو نیمگی  منوگری  آنی سر ءَ عمل کنگ ءِ سر ءَ جزم اِنت۔ . آئی ءَ اے گپ چار شمبے ءِ روچ ءَ کرغزستان ءِ ھزانگ ءِ وزیر دانیارا منگلدیوف ءِ سروکی ءَ کرغزستان ءِ ڈل ءَ گوں گند ءُ  نند ءَ گوشت کہ بنجاھی  وزیر ءَ شنگھائی کمکی گل ءِ 23می سروک دیوان ءَ کرغزستان ءِ ڈل ءِ بھر زوری ءَ را ساڑات۔ گند ءُ  نند ءِ تہ ءَ فریق آنی تہ ءَ تجارت ءِ تہ ءَ گیشی ءِ ارزشت ءِ سر ءَ تپاک کنگ بوتگ کہ اے وھد ءَ 8.63ملین ڈالر اِنت بنجاھی  وزیر ءَ گوشت کہ مالی سال 2023 ءَ پاکستان ءِ برآمدات 3.33ملین ڈالر ءُ  درآمدات 5.3ملین ڈالر ءِ تہ ءَ ریکارڈ کنگ بوتگ۔ ءِ گیش کنگ ءِ ضلورت اِنت۔ آئی ءَ اے اعداد و شمار ءَ را گیش کنگ ءُ  استیں تجارتی عدم توازن ءِ گیواری ءِ ضلورت ءِ سر ءَ زور پر دات بنجاھی  وزیر ءَ پاک کرغزستان ءِ بین حکومتی کمیشن ءِ چارمی دیوان ءِ جوانیں آسر آنی تصدیق کت کہ نومبر 2023ءَ برجم دارگ بیت ءُ  پاکستان ءَ معاہدہ آنی سر ءَ عمل کنگ ءِ عزم ءِ پدا پدر کت۔ .دیوان ءَ تجارت، کشت ءُ کشاری، ھاٹیگ ، کان کنی، ڈیجیٹل دیمروئی، سیل ءُ سواد، جان سلامتی، بینکنگ ءُ وانگ ءُ زانگ ءِ وڑیں جتا جتائیں شوبگ آنی تہ ءَ وت مہ وتی کمک ءِ سر ءَ ھم گپ ءُ تران کنگ بوت۔ احمد چیما ءَ کشت ءُ  کشاری ءُ  تجارت ءِ وڑیں کلیدی شوبگ آنی تہ ءَ کمک ءِ دیمروئی ءِ واستہ یکجائی کارگس آنی جوڑ کنگ ءِ ارزشت ءِ سر ءَ زور پر دات آئی ءَ اسلام آباد ءَ آیوکیں پنچمی دیوان ءِ میزبانی ءِ واھشت ءِ درشان کت ءُ  اے میکانزم ءِ وسیلگ ءَ سیادی ءَ را مھکم کنگ ءِ واستہ یکجائی ءِ درشان کت۔ گند ءُ  نند ءِ یک دگہ ھاسیں تک ایش ات کہ زراعت ءُ  تجارت ءِ تہ ءَ کمک ءِ واستہ ‘ٹرانزٹ ٹریڈ ایگریمنٹ’ ءُ  ایشی ءَ گوں سیادی داروکیں مفاہمت نامہ ءِ سرجمی ءِ سر ءَ دلگوشی دیگ بہ بیت تانکہ یکجائی ءَ کار کنگ بہ بیت تانکہ یکے دومی ءَ گوں تجارت ءِ راستیں گنجائش ءَ چہ سیت چست کنگ بہ بیت۔