اسلام آباد۔ 15 اکتوبر (اے پی پی) وزارت حوالکاری وشینکاری شنگھائی کمکار تنظیم نا 23 می سروک دیوان اٹی بشخ ہلوک آ مہمان تے بخیر اٹ پاننگ کن نغمہ اس جاری کرے۔ نغمہ ٹی پاکستان نا رنگ رنگی دودوربیدہ ئی میرات و مہمانداری نا روایت نا اسہ جھلک اس پیش کننگانے۔ دانغمہ نا عکس بندی ٹی پاکستان نا زیباغا ہند، تاریخی واہم ماڑی و گیشتر دودوربیدہ ءِ بھاز زیبائی اٹ پیش کننگانے۔ داکان بیدس پاکستان نا شونداری کن پاکستان نا الس نا خواری، لگن وجوزہ ءِ ہم بھاز زیبائی اٹ تالان کننگانے۔ پاکستان نا پنی آ گلوکار عمیر جسوال نا توار اٹی نغمہ‘‘ بخیراٹ’’ نا بول اٹی پاکستان نا مخلوق نا مہمانداری و ایس سی او سروک مملکت ءِ بخیر اٹ پاننگ نا جوزہ ءِ۔ وزارت حوالکاری و شینکاری اومیت ظاہر کرے کہ دا نغمہ مہمان تے پاکستان نا دودوربیدہ غان روشناس کرفک و اوفتا است آتیٹی پاکستان کن مہرومریبت ودی کیک۔
