اسلام آباد۔15اکتوبر (اے پی پی):چین ءِ مزن وزیر لی کیانگ ءَ صدر آصف علی زرداری ءَ گوں گند ءُ نند کتگ ایشی ءِ تہ ءَ معیشت، سرمایہ کاری ءُ دمگی سیادی ءَ ھوار ھاسیں شوبگ آنی تہ ءَ دو نیمگی اسٹریٹجک ءِ سر ءَ گپ ءُ تران کنگ بوتگ۔ کمک ءَ را گیش گہتر کنگ ءِ واستہ گوشگ بوت کہ دوئیں ملک پاکستان ءُ چین اقتصادی راہداری منصوبگ آنی سر ءَ عمل کنگ ءَ را ترند کن اَنت۔ صدر ءِ پریس ونگ ءِ نیمگ ءَ جاڑی بوتگیں بیان ءِ رد ءَ اے موہ ءِ سر ءَ صدر ءِ مملکت ءَ گوشت کہ چین ءِ گوما دوستی پاکستان ءِ دری پالیسی ءِ یک ھاسیں بھرے، آئی ءَ دوئیں ملک آنی نیام ءَ کمک ءِ نوکیں راہ آنی شوھازگ ءِ ارزشت ءِ سر ءَ زور پر دات ءُ گوشت۔ کہ پاکستان ءُ چین ءِ سیادی ءَ را گیش کنگ ءِ گنجائش است انت۔ صدر ءِ مملکت ءَ تجارت ءُ السی سیادی ءَ را مھکم جوڑ کنگ ءِ واستہ ہر موسم ءِ سڑک آنی وسیلگ ءَ کنکٹیویٹی ءَ را گیش کنگ ءِ ضلورت ءِ سر ءَ زور پر دات ءُ گوشت کہ چینی کمپنی آناں پاکستان اسٹاک ایکسچینج ءَ سرمایہ کاری کنان ءَ پاکستان ءَ موہ آناں پائدگ چست کنگ لوٹ ایت۔ سی پیک ءُ گوادر پورٹ ءِ کمک ءَ چین ءِ اقتصادی دیمروئی ءَ چہ سرجمیں پائدگ چست کنگ ءِ وھد اتکگ۔ صدر ءِ مملکت ءَ آئی ءَ را گوشت کہ آ اے سال ءِ نومبر ءَ چین ءِ تر ءُ تاب ءِ ارادہ کنت، آ کوھنیں سنگت آنی گوما رابطہ جوڑ کنگ ءُ سیادی ءَ را مھکم کنگ ءِ واستہ گپ ءُ تران ءِ ودار ءَ انت۔ گند ءُ نند ءِ ساھت ءَ صدر ءِ مملکت ءَ وتی گوستگیں حکومت ءِ ساھت ءَ چین ءِ نیمگ ءَ کتگیں پیسریگیں تر ءُ تاب آنی سر ءَ زور پر دات ءُ گوشت کہ وت مہ وتی ارزشت ءِ ھاسیں جیڈھ آنی سر ءَ پاکستان ءَ مدام چین ءِ بے مٹیں کمک بوتگ۔ آئی ءَ ناشرکاری اُرش ءِ تہ ءَ دو چینی شہری آنی بیرانی ءِ سر ءَ دلپدردی ءِ درشانی کتگ ءُ گوشتگ کہ اے دل سدیں وئیل ءَ سرجمیں راج سک رنج ءُ گم ءِ آماچ کتگ۔ صدر ءِ مملکت ءَ گوشت کہ پاکستان ءُ چین دوستی ءِ دژمن چین ءِ شہری آناں نشانگ جوڑ کنان ءَ دو نیمگی سیادی ءَ را ھراب کنگ ءُ سی پیک ءِ منصوبگ آناں اثر انداز کنگ ءِ کوشست ءَ کنگ ءَ انت۔ صدر ءِ مملکت ءَ گوشت کہ دژمن وتی زھرناکیں کوشست آنی تہ ءَ سوبمند نہ بنت ءُ مجرم آناں مثالی سزا دیگ ءِ پاکستان ءِ جزم ءِ درشان کت۔
