اسلام آباد۔15اکتوبر (اے پی پی):شنگھائی تعاون تنظیم ءِ باسکیں ملک آنی حکومت ءِ سروک آنی نیام ءَ بنیاتی رنگ ءَ معیشت، تجارت، چاگرد، ءُ چاگردی ءُ دود ءُ ربیدگی سیادی آنی پڑ ءَ تعاون ءِ دیمروئی ءِ سر ءَ گپ ءُ تران کنگ بیت۔ اقتصادی ماہرین ءِ رد ءَ دیوان ءَ تنظیم ءِ سرجمیں کارکردگی ءِ چار ءُ تپاسی کنگ بیت ءُ آیوکیں وھد ءِ ھاتر ءَ حکمت عملی ءِ پیسلہ کنگ بیت۔ ایشی ءِ تہ ءَ باسکیں ملک آنی نیام ءَ تجارتی سیادی آنی دیمروئی، چاگردی جیڈھ آنی گیش ءُ گیوار ءِ واستہ یکجائی گامگیج ءُ جیڈھ آنی گیواری ءِ واستہ یکجائی گامگیج ھوار اَنت، ءُ دود ءُ ربیدگ ءِ سیادی ءِ مھکم کنگ سک باز المی اِنت ایس سی او اقتصادی ءُ تجارتی کمک ءِ تہ ءَ گیشی ءِ واستہ جتا جتائیں منصوبگ ءُ معاہدہ جوڑ کنت۔ رکن ملکاں، چوشکہ آزاد تجارتی زون ءِ جوڑ کنگ ءُ باہمی سرمایہ کاری ءِ موہ پیداک کنگ ءِ ھاترا۔ جہانی ماحولیاتی چیلنج، چوشکہ موسمیاتی بدلی ءُ قدرتی وسیلگ آنی رکھینگ ءِ ھاتر ءَ یکجاھیں کارروائی ءِ ضلورت اِنت۔ ایس سی او ءِ وسیلگ ءَ ملک آنی واستہ یک پلیٹ فارم ءِ دیم ءَ آرگ بیت کہ آ یکجاہ ءَ چاگردی رکھینگ ءِ گامگیج آنی دیمروئی ءَ بہ کن اَنت۔ دود ءُ ربیدگی سیادی ءِ دیمروئی ءِ ھاترا یکجائی دود ءُ ربیدگی پروگرام، تبادلہ ءُ جتا جتائیں کارانی بندوبست کنگ بیت، ایشی ءَ چہ باسکیں ملک آنی راج آنی نیام ءَ دوستی ءُ یکے دومی ءِ سر ءَ تپاکی ءَ را گیش کنگ بوت کنت اے درستیں گامگیج نہ ایوک ءَ اقتصادی دیمروئی ءَ را گیش کنگ ءَ اَنت۔
