اسلام آباد۔15اکتوبر (اے پی پی):مزن وزیر محمد شہباز شریف ءَ گوشت کہ شنگھائی کوآپریشن آرگنائزیشن ءِ حکومت ءِ سروک آنی 23می دیوان ءِ موہ ءَ آئی ءَ قازقستان ءِ مزن وزیر اولژاس بیک تینوف ءَ گوں سیت مندیں گند ءُ نند کتگ۔ سئے شمبے ءِ روچ ءَ ایکس ءِ سر ءَ وتی پوسٹ ءِ تہ ءَ مزن وزیر ءَ گوشت کہ گند ءُ نند ءِ ساھت ءَ تجارت، سرمایہ کاری، ٹرانسپورٹ، رابطہ، کشت ءُ کشار، دفاع، وانگ ءُ زانگ ءُ توان ءِ شوبگ آنی تہ ءَ کمک ءِ تہ ءَ گیشی ءِ ضلورت ءِ سر ءَ گپ ءُ تران کنگ بوتگ ءُ دوئیں ملک آنی نیام ءَ سیادی آناں گیش کنگ بہ بیت۔ نوک کنگ بوتگ کہ سرکاری ڈل آنی تبادلہ ءَ را گیش کنگ ءِ سر ءَ تپاک کنگ بوتگ۔ مزن وزیر ءَ گوشت کہ آئی ءَ قازقستان ءِ صدر ءَ را ھم پاکستان ءِ تر ءُ تاب ءِ دعوت داتگ، ءُ پاکستان ءُ قازقستان ءِ سیادی ءِ وشیں باندات ءِ سر ءَ دل یکیمی اِنت۔
