اسلام آباد۔15اکتوبر (اے پی پی):ترکمانستان ءِ وزیرآنی کابینہ ءِ نائب چیئرمین ءُ درئی کارانی وزیر راشد میریدوف ءَ اسلام آباد ءَ مزن وزیر محمد شہباز شریف ءَ گوں گند ءُ نند کتگ۔ گند ءُ نند ءِ تہ ءَ مزن وزیر ءَ دو نیمگی کمکی ءِ سرجمیں گنجائش آناں حاصل کنگ ءِ واستہ تجارت، توانائی ءُ دمگی رابطہ کاری ءِ شوبگ آنی تہ ءَ یکجائی ءَ کار کنگ ءِ ارزشت ءِ سر ءَ زور پر دات۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں پریس ریلیز ءِ رد ءَ مزن وزیر شہباز شریف ءَ شنگھائی کوآپریشن آرگنائزیشن ءِ حکومت ءِ سروک آنی دیوان ءَ ھاسیں مہمان ءِ رنگ ءَ ترکمانستان ءِ بھر زوری ءَ را وش اتک کنان ءَ پاکستان ءِ ترکمانستان ءِ سروکی ءِ واستہ نیکیں واھشت آنی درشان کنان ءَ مزن وزیر ءَ دوئیں ملک آنی نیام ءَ مزن تک ءِ تبادلہ ءَ را گیش کنگ ءِ ضلورت ءِ سر ءَ زور پر دات۔ آئی ءَ دوئیں نیمگ ءَ دو نیمگی کمک ءِ سرجمیں گنجائش ءِ تہ ءَ تجارت، توانائی ءُ دمگی سیادی آنی شوبگ ءَ یکجائی ءَ کار کنگ ءِ ارزشت ءِ سر ءَ زور پر دات آئی ءَ ترکمانستان ءِ سروکی ءِ نیمگ ءَ مزن وزیر شہباز شریف ءَ را ھم وتی نیکیں واھگ آناں سر کت۔ ترکمانستان ءِ پاکستان ءُ ترکمانستان ءِ سیادی ءَ را گیش مھکم ءُ نزیک کنگ ءِ بے دروریں جزم ءِ درشان کت۔
