اسلام آباد۔15اکتوبر (اے پی پی):اسلام آباد چیمبر آف کامرس اینڈ انڈسٹری ءِ صدر ناصر منصور قریشی ءَ گوشت کہ شنگھائی کوآپریشن آرگنائزیشن ءِ باسکیں ملک آنی سروک آنی کونسل ءِ دیوان ءَ چہ پاکستان ءِ اقتصادی وشھالی ءِ دروازگ پچ بنت۔ گلوبل لیول ، سروک دیوان ءَ ملک ءَ سرمایہ کاری ءِ موہ پیداک کنگ ءِ مھکمیں صلاحیت است انت کہ ایشی ءَ چہ پاکستان ءِ معیشت ءَ را مھکم کنگ بیت، اے ھاسیں مراگش ءَ پاکستان ءَ را ھاسیں رنگ ءَ چین ءِ گوما وتی تجارتی ءُ اقتصادی سیادی ءَ را مھکم کنگ ءِ موہ داتگ ات۔ سئے شمبے ءِ روچ ءَ ادا یک پیغامے ءِ تہ ءَ آئی ءَ گوشت کہ آیوکیں چین پاکستان اقتصادی راہداری مرحلہ ءُ ایس سی او سروک دیوان راجی معیشت ءِ واستہ یک راستیں گیم چینجر بوت کنت۔ چوناھا مئے کرّا جغرافیائی ھمگرنچی، اقتصادی تکمیل، دمگی تجارتی برتری ءُ مشرق ءِ نیمگ ءَ چارگ ءُ وتی اقتصادی شریک آناں جتا جتائیں سرمایہ کاری ءِ موہ آنی پجارینگ ءِ توانائی است اِنت اے رنگ ءَ اے یک انچیں پلیٹ فارم ءِ پجارینگ ءَ اِنت کہ ایشی ءِ تہ ءَ پاکستان چین، روس ءُ میان اُستمانی ملک آنی گوما ھمساھگیں ملک آنی گوما کار کت کنت۔ استحکام ءِ دیمروئی ءُ ناشرکاری ءُ رادیکلائزیشن ءِ شنگ ءُ تالان ءِ گر ءُ دار ءِ ھاترا آئی ءَ گیش کت کہ اے ھاسیں سروکیں دیوان ءَ چہ کشت ءُ کشاری، پیشہ وارانہ تربیت ءُ بنیاتی ڈھانچہ ءِ دیمروئی ءِ تہ ءَ کمکی منصوبگ آنی وسیلگ ءَ دمگی تجارت ءَ را یقینی رنگ ءَ گیش کنگ بیت۔ اوگانستان ءُ کشمیر ءِ جیڈھ ءَ ھوار دمگی سیکورٹی جیڈھ آنی گیواری ءَ کم کاربن ٹیکنالوجی آناں دیمروئی دیگ ءِ واستہ نوکیں فریم ورک ءِ گوما کاربن ٹریڈنگ ءُ موسمی بدلی ءِ ھوالگ ءَ دمگی کمک ءِ واستہ موسمیاتی بدلی ءِ سر ءَ دلگوشی دیگ بیت ءُ ھمے جاہ ءَ شنگھائی کمک ءِ اقتصادی جہت ءِ سر ءَ دلگوشی دیگ بیت۔ تنظیم سازی ءِ کار ءَ کیت۔ باسکیں ملک آنی گوما وتی سیادی ءَ را گیش ءُ گیوار کنگ ءَ چہ ھاسیں رنگ ءَ چین ءِ بیلٹ اینڈ روڈ انیشیٹیو ءِ وسیلگ ءَ پاکستان دمگی مارکیٹ، بنیاتی ڈھانچہ ءِ سرمایہ کاری ءُ تجارتی روانی ءَ را گیش کنگ ءَ چہ فائدگ چست کنگ ءِ ھاترا تیار اِنت۔ اسلام آباد اقتصادی ءُ ایمنی ءِ جیڈھ آنی سر ءَ دمگی کمک ءَ را گیش کنگ لوٹ ایت، دمگی استحکام ءِ ضلورت ءَ را پدر کنگ ءُ پاکستان ءَ را جنوبی ایشیا ءَ یک ذمہ واریں اسٹیک ہولڈر ءِ بستار ءَ پیش کنگ لوٹ ایت۔
