اسلام آباد (اے پی پی) مزن وزیر محمد شہباز شریف ءُ بیلاروس ءِ مزن وزیر رومن گولوفچینکو ءِ نیام ءَ شنگھائی کمکی گل ءِ کونسل آف ہیڈز آف گورنمنٹ ءِ دیوان ءِ ساھت ءَ دو نیمگی گند ءُ نند بوتگ۔ شہباز شریف ءَ دو نیمگی سیادی آناں دیمروئی دیگ ءِ ضلورت ءِ سر ءَ زور پر دات ھاسیں رنگ ءَ تجارت، سرمایہ کاری، کشت ءُ کشاری مشینری، ٹریکٹر آنی یکجائی پیداوار ءُ کمیونیکیشن ءِ شوبگ آنی تہ ءَ کمک ءِ ضلورت اِنت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں پریس ریلیز ءِ رد ءَ شنگھائی کمکی گل ءِ دیوان ءَ بیلاروس ءِ بھر زوری ءِ وش آتک کنگ ءِ وھد ءَ مزن وزیر شہباز شریف ءَ بیلاروس ءَ را ایس سی او ءِ سرجمیں باسک جوڑ بوھگ ءِ سر ءَ مبارک بات داتگ ءُ ” شنگھائی اسپرٹ “ ءَ ر ا دیمرئی دیگ ءَ بیلاروس ءِ گوما یکجائی ءَکالر کنگ ءِ پاکستان ءِ جزم ءِ درشان کتگ۔ اے سال جولائی ءِ سر ءَ آستانہ ءَ صدر رلیگزینڈر لوکا شینکو ءِ گوما وتی آسری گند ءُ نند آنی تران کت ءُ گوشت کہ مزن وزیر ءَ گوشتگ کہ مزن تکی یک شلیں گند ءُ نند آں دوئیں مل آنی نیام ءَ جوانیں یکوئی آناں پازیٹیو گامگیج پجاری کنت ایشرا برجا دارگ ءِ ضلورت انت۔ آئی ءَ گوشت کہ دو نیمگی یکوئی ھاسیں رنگ ءَ تجارت، سرمایہ کاری ، کشت ءُ کشاری میشینری ، یکجائی رنگ ءَ ٹریکٹرز آنی تیاری ءُ رسانک ءِ شوبگ ءَ کمک آناں دیمروئی دیگ ءِ ضلورت ءِ سر ءَ زور پر دات۔ گولوف چینکو ءَ ایس سی او سروک دیوان ءَ را کامیات بست ءُ بند ءُ ایشی ءِ پازیٹیو آسر آنی سر ءَ پاکستان ءَ را گوں دل ءِ جھلانک ءَ مبارک بات دات۔ آئی ءَ پاکستان ءِ جوانیں میزبانی ءِ پد ءَ مزن وزیر شہباز شریف ءِ شگر ءُ منت واری گپت۔ آئی ءَ دل یکیمی دات کہ بیلاروس شنگھائی کمکی گل ءِ مول ءُ مرادی رھبند ءُ ترجی آناں دیمروئی دیگ ءِ واستہ ءُ پاکستان ء، شنگھائی کمکی گل ءِ کونسل آف ھیڈز آف گورنمنٹ ءِ چیئر ءِ بستار ءَ پاکستان ءِ گوما گیشاں چہ گیش کمک کنت۔ گولوف چینکو ءَ دوئیں ملک آنی نیام ءَ دو نیمگی یکوئی آناں پازیٹیو نیمگ ءَ دل یکیمی ءِ درشان کت ءُ یکجائی کوشست آنی وسیلگ ءَ سیت آنی گومایں شوبگ آنی تہ ءَ وت مہ وتی سیت آنی کمک آناں گیش برجم کنگ ءِ واھشت ءِ درشان کت۔
