اسلام آباد۔15اکتوبر (اے پی پی):چین ءِ مزن وزیر لی چیانگ ءَ صدر آصف علی زرداری ءَ گوں گند ءُ نند کت سئے شمبے ءِ روچ ءَ صدر ءِ مملکت ءِ گس ءَ برجم داشتگیں گند ءُ نند ءَ معیشت، سرمایہ کاری ءُ دمگی سیادی ءَ ھوار ھاسیں شوبگ آنی تہ ءَ دو نیمگی اسٹریٹجک ءِ سر ءَ گپ ءُ تران کنگ بوت۔ کمک ءَ را گیش گہتر کنگ ءِ ھاترا گوشت بوت کہ دوئیں ملک پاکستان چین اقتصادی راہداری منصوبگ آنی سر ءَ عمل درآمد ءَ را ترند کن اَنت۔ صدر ءِ پریس ونگ ءِ نیمگ ءَ جاڑی بوتگیں بیان ءِ رد ءَ اے موہ ءِ سر ءَ صدر ءِ مملکت ءَ گوشت کہ چین ءِ گوما دوستی پاکستان ءِ دری پالیسی ءِ یک ھاسیں بھرے، آئی ءَ دوئیں ملک آنی نیام ءَ کمک ءِ نوکیں راہ آنی شوھازگ ءِ ارزشت ءِ سر ءَ زور پر دات ءُ گوشت۔ کہ پاکستان ءُ چین ءِ سیادی ءَ را گیش کنگ ءِ گیشیں گنجائش است انت۔ صدر ءِ مملکت ءَ تجارت ءُ السی سیادی ءَ را مھکم جوڑ کنگ ءِ واستہ ہر موسم ءِ سڑک آنی وسیلگ ءَ کنکٹیویٹی ءَ را گیش کنگ ءِ ضلورت ءِ سر ءَ زور پر دات ءُ گوشت کہ چینی کمپنی آناں پاکستان اسٹاک ایکسچینج ءَ سرمایہ کاری کنان ءَ پاکستان ءَ موہ آناں پائدگ چست کنگ لوٹ ایت۔ سی پیک ءُ گوادر پورٹ ءِ کمک ءَ چین ءِ اقتصادی دیمروئی ءَ چہ سرجمیں پائدگ چست کنگ ءِ وھد اتکگ۔ صدر ءِ مملکت ءَ آئی ءَ را گوشت کہ آ اے سال ءِ نومبر ءَ چین ءِ تر ءُ تاب ءِ منصوبگ دار ایت ءُ کوھنیں سنگت آنی گوما دوبر رابطہ کنگ ءُ سیادی ءَ را گیش مھکم کنگ ءِ واستہ گپ ءُ تران کنگ ءِ واھشت مند اِنت۔ گند ءُ نند ءِ ساھت ءَ صدر ءِ مملکت ءَ وتی پیسریگیں حکومت ءِ ساھت ءَ چین ءِ گوستگیں تر ءُ تاب آنی سر ءَ زور پر دات ءُ گوشت کہ وت مہ وتی ارزشت ءِ ھاسیں جیڈھ آنی سر ءَ پاکستان ءَ مدام چین ءِ بے مٹیں کمک بوتگ۔ آئی ءَ ناشرکاری اُرش ءِ تہ ءَ دو چینی شہری آنی بیرانی ءِ سر ءَ دلپدردی ءِ درشانی کتگ ءُ گوشتگ کہ اے دل سدیں وئیل ءَ سرجمیں راج سک رنج ءُ گم ءِ آماچ کتگ۔ صدر ءِ مملکت ءَ گوشت کہ پاکستان ءُ چین دوستی ءِ دژمن چین ءِ شہری آناں نشانگ جوڑ کنان ءَ دو نیمگی سیادی ءَ را ھراب کنگ ءُ سی پیک ءِ منصوبگ آناں اثر انداز کنگ ءِ کوشست ءَ کنگ ءَ انت۔ صدر ءِ مملکت ءَ گوشت کہ دژمن وتی نا شریں کوشست آنی تہ ءَ سوبین نہ بنت، مجرم آناں مثالی سزا دیگ ءِ واستہ پاکستان ءِ جزم ءِ درشان کت۔ صدر آصف علی زرداری ءَ مزن وزیر گس ءَ چین ءِ راج دپتر ءِ اسٹیٹ کونسل ءِ مزن وزیر لی چیانگ ءِ شرپ ءَ نان ءِ مراگش ءِ ھم میزبانی کت ءُ سینیٹ ءِ چیئرمین سید یوسف رضا گیلانی ءَ ھم نان ءِ مراگش ءَ بھر زوری کت۔
