اسلام آباد۔15اکتوبر (اے پی پی):صدر آصف علی زرداری ءَ پاکستان ءُ کرغزستان ءِ نیام ءَ دو نیمگی تجارت ءِ کساس ءَ را گیش کنگ ءِ ضلورت ءِ سر ءَ زور پر دات ءُ گوشت کہ ارزشتی ایں پیداوار ءُ تنوع ءِ گوما دو نیمگی تجارت ءَ را گیش کنگ بوت کنت۔ کرغستان ءِ گوما توامیں وت مہ وتی واھگی کار آنی شوبگ آنی تہ ءَ کمک آناں ودینگ ءِ واھشت ائیگ انت۔ ایوان ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت آصف علی زرداری ءَ اے بیان کرغزستان ءِ وزیرانی کابینہ ءِ چیئرمین ژاپرو اکیلبک ءَ گوں گند ءُ نند ءِ ساھت ءَ کت آئی ءَ سئے شمبے ءِ روچ ءَ صدر ءِ مملکت ءَ گوں گند ءُ نند کت۔ صدر ءِ مملکت ءَ گوشت کہ دوئیں ملک آنی نیام ءَ دو نیمگی تجارت ءِ کساس ءَ را گیش کنگ ءِ ضلورت اِنت، ارزشتی ایں پیداوار ئُُ تنوع ءِ گوما دو نیمگی تجارت ءِ تہ ءَ را گیش کنگ بوت کنت۔ صدر ءِ مملکت ءَ گوشت کہ کرغزستان کراچی ءُ گوادر ءِ بندراں کارمرد کت کنت۔ آئی ءَ گوشت کہ کرغزستان ءِ گوما وت مہ وتی سیت ءِ توامیں شوبگ آنی تہ ءَ کمک ءَ را گیش کنگ ءِ واستا واھشت مند اِنت۔ صدر آصف علی زرداری ءَ گوشت کہ سلامتی کونسل ءِ غیر دائمی سیٹ ءِ واستہ پاکستان ءِ سوبمندیں گچین کاری ءَ کرغزستان ءِ کمک ءِ شگر ءُ منت وار آں ۔ گند ءُ نند ءِ تہ ءَ کرغزستان ءِ وزیرانی کابینہ ءِ چیئرمین ژاپاروف اکیلبیک ءَ ھم اے گپ ءِ درشانی کت کہ دوستیں ملک آنی گوما تجارت ءِ دیمروئی کرغزستان ءِ اولی ترجی اِنت، کرغزستان معیشت، کاروبار ءُ ٹیکنالوجی ءِ پڑ ءَ دو نیمگی کمک ءَ را گیش کنگ ءِ واھشت مند اِنت۔ ژاپاروف اکیلبک ءَ گوشت کہ کرغزستان ءِ اقتصادی دیمروئی ءِ سبب ءَ تعمیراتی ءُ ٹیکسٹائل ءِ شوبگ ءَ مردمی قوت ءِ واستہ مزنیں موہ است انت۔ آئی ءَ گوشت کہ کرغزستان ءِ شہری آنی واستہ پاکستانی ویزہ ءِ جاری کنگ ءِ عمل ءَ را آسان جوڑ کنگ ءِ واستہ شگر ءُ منت وار آں ۔
