جمہوریہ کرغزستان ءِ گوما تجارت، سرمایہ کاری، راجی ءُ  دمگی سیادی ءِ پڑ ءَ کمک ءَ را گیش کنگ ءِ ضلورت اِنت ، مزن وزیر شہباز شریف ءِ گوما کرغزستان ءِ وزیرانی کابینہ ءِ چیئرمین ژاپاروف اکیل بیک ءَ  گوں گپ ءُ تران

اسلام آباد۔15اکتوبر  (اے پی پی):مزن وزیر محمد شہباز شریف ءَ جمہوریہ کرغزستان ءِ گوما کمک ءَ را گیش مھکم کنگ ءِ واھشت ءِ درشانی کت ءُ  تجارت، سرمایہ کاری، السی ءُ  دمگی سیادی ءِ شوبگ ءَ کمک ءَ را گیش کنگ ءِ ضلورت ءِ سر ءَ زور پر دات۔ مزن وزیر ءِ کارگس ءِ میڈیا ونگ ءِ نیمگ ءَ آئی ءَ شنگھائی کمکی گل ءِ حکومت ءِ سروک کونسل ءِ دیوان ءِ موہ ءَ جمہوریہ کرغزستان ءِ وزیرانی کابینہ ءِ چیئرمین ژاپارو اکیلبک ءَ گوں گند ءُ  نند کت۔ وزیر ءَ شنگھائی کوآپریشن آرگنائزیشن ءِ دیوان ءَ جمہوریہ کرغزستان ءِ بھر زوری ءِ منت گپت ءُ  ایس سی او ءِ انوگیں چیئرمین ءِ بستار ءَ کرغزستان ءِ نیمگ ءَ پاکستان ءِ کمک ءِ توسیپ کت۔ دوئیں ملک آنی نیام ءَ دیریں براتی سیادی آنی ذکر کنان ءَ مزن وزیر ءَ پاکستان ءُ  کرغزستان ءِ نیام ءَ دو نیمگی سیادی آنی دیمروئی ءِ سر ءَ دل یکیمی ءِ درشان کنان ءَ سرمایہ کاری، السی ءُ  دمگی سیادی آنی تہ ءَ کمک ءَ را گیش کنگ ءِ ضلورت ءِ سر ءَ زور پر دات۔ وزیر شہباز شریف ءَ پاکستان ءِ نیمگ ءَ شنگھائی کوآپریشن آرگنائزیشن ءِ حکومت ءِ سروک آنی دیوان ءِ سوبمندیں برجم دارگ ءِ بابت ءَ آئی ءَ گرمیں وش اتک، جوانیں بندوبست ءُ  جوانیں مہمان داری ءِ پد ءَ ڈل آناں شگر ءُ  منت گپت۔ آئی ءَ  کرغزستان ءِ  واھشت ءِ  درشان کت کہ پاکستان ءِ  گوما کمک ءَ  برجاہ بہ کنت ایشی ءَ  چہ دوئیں ملک آنی اُلس ءِ  مہلوک ءِ  وت مہ وتی نپ ءِ  ھمک شوبگ آنی تہ ءَ  دو نیمگی کمک ءَ  را گیش دیمروئی رسیت