اسلام آباد۔15اکتوبر (اے پی پی):وزارت ءِ اھوالکاری ءُ شنگکاری ءِ نیمگ ءَ شنگھائی کمکی گل ءِ 23می سروکیں دیوان ءَ بھر زوروکیں مہمان آناں وش آتک کنگ ءِ واستہ یک گانا ءِ شنگ کنگ بوتگ۔ گانا ءِ تہ ءَ پاکستان ءِ رنگ رنگیں دود ءُ ربیدگ ءُ مہمان داری ءِ روایت ءِ یک جھلکے گندگ بیت۔ پاکستان ءِ وشیں جاہ، راجدپتری ءُ ھاسیں ماڑی ءُ جتائیں دود ءُ ربیدگ اے گانا ءِ امیجری ءَ جوانیں رنگے ءَ پیش دارگ بوتگ انت۔ ایشی ءَ ابید پاکستان ءِ دیمروئی ءِ ھاتر ءَ پاکستان ءِ الس ءِ محنت، لگن ءُ جذبہ ھم جوانیں رنگے ءَ پدر کنگ بوتگ۔ پاکستان ءِ نامداریں گشندہ عمیر جسوال ءِ توار ءَ گانا “وش آتک” ءِ لبز پاکستان ءِ الس ءِ مہمان داری ءُ ایس سی او ءِ سروک آناں وش آتک کنگ ءِ جزبگ ءَ سر کنت۔ وزارت ءِ اھوالکاری ءَ امیت درشان کتگ کہ اے سوت ءَ چہ مہمان پاکستان ءِ دود ءُ ربیدگ ءَ سرپد بنت ءُ آھانی دل ءَ پہ پاکستان ءَ مھر ودی بیت۔
