اسلام آباد۔ 15 اکتوبر (اے پی پی) قزاخستان نا وزیراعظم اوالژاس بیک تینوف شنگھائی کمکار تنظیم (ایس سی او) نا سروک حکومت نا دیوان اٹی بشخ ہلنگ کن سے شنبے نادے آپاکستان آ سرمس۔ اسلام آباد انٹرنیشنل بالی پٹ آ بنجائی وزیر مواصلات و نجکاری عبدالعلیم خان و ایلو بڑزکو کمامدارآک مہمان وزیراعظم ءِ جم وجوش و ریڈ کارپٹ اٹ بخیرکریر۔ داوخت آ روایتی لویس اٹ چناک اودے گلدستہ اس پیش کریر۔ قزاخستان نا وزیراعظم نا بننگ نا وخت آ بنجائی وزیر نجکاری و مہمان وزیراعظم نا نیام اٹ خیرخواہی نا گپ وتران ہم مس۔ پاکستان اٹ قزاخستان نا سفارت خانہ نا بڑزکو سفارتی کمامدارآک ہم داوخت آ ساڑی ئسر۔ قزاخستان نا وزیراعظم نا دورہ ءِ پاکستان ہڑتوم آملک آتا سنگتی نا مون آدننگ و علاقائی کمکاری ٹی اہم گام اسے۔ ایس سی او دیوان اٹی جہانی راہشون تا بشخ ہلنگ آن علاقائی امن نا اومیت آک ودانو۔
