اسلام آباد۔ 15 اکتوبر (اے پی پی) نیامی ایشیائی ریاست تاجکستان نا وزیراعظم کوہر رسول زادہ شنگھائی کمکار تنظیم نا سروک حکومت نادیوان اٹی بشخ ہلنگ کن سے شنبے نادے آ پاکستان آسرمس۔ اسلام آباد نا جہانی بالی پٹ آ وزیرواپار جام کمال خان و ایلو بڑزکو کمامدارآک مہمان وزیراعظم ءِ جم وجوش ریڈکارپٹ اٹ بخیرکریر۔ داوخت آ روایتی لویس اٹی چناک اودے گلدستہ اس پیش کریر۔ تاجک وزیراعظم …
تاجکستان نا وزیراعظم کوہررسول زادہ شنگھائی کمکار تنظیم نا دیوان اٹی بشخ ہلنگ کن پاکستان آ سرمس
گیشتریں ھال
اسلام آباد۔ 15 اکتوبر (اے پی پی) نیامی ایشیائی ریاست تاجکستان نا وزیراعظم کوہر رسول زادہ شنگھائی کمکار تنظیم نا سروک حکومت نادیوان اٹی بشخ ہلنگ کن سے شنبے نادے آ پاکستان آسرمس۔ اسلام آباد نا جہانی بالی پٹ آ وزیرواپار جام کمال خان و ایلو بڑزکو کمامدارآک مہمان وزیراعظم ءِ جم وجوش ریڈکارپٹ اٹ بخیرکریر۔ داوخت آ روایتی لویس اٹی چناک اودے گلدستہ اس پیش کریر۔ تاجک وزیراعظم نا بننگ نا وخت آ وزیر واپار و مہمان وزیراعظم نا نیام اٹ خیرخواہی نا اسہ ایلوتون گپ وتران مس۔ پاکستان اٹ تاجکستان نا سفارت خانہ نا بڑزکو سفارتی کمامدار آک ہم داوخت آ ساڑی ئسر۔ تاجکستان نا وزیراعظم نا دورہ ءِ پاکستان ہڑتوم آملک آتا سنگتی نا مون آدننگ و علاقائی کمکاری ٹی اہمءُ گام اسے۔ ایس سی او دیوان اٹی جہانی راہشون تا بشخ ہلنگ آن علاقائی امن نا اومیت آک ودانو۔
