اسلام آباد۔ 15 اکتوبر (اے پی پی) بنجائی وزیر ڈٹ بندی، شونداری ، اصلاحات و خصوصی گام گیج احسن اقبال پارینے کہ گوادر بالی پٹ و چین پاکستان اقتصادی راہداری نا ارٹ میکو ریسہ غان شونداری نا پوسکن وارخواہی ودی مریک۔ سے شنبے نادے آمیڈیا تون گپ وتران کرسا اوپارےکہ حکومت چین نا کمک اٹ چین پاکستان اقتصادی راہداری نا ارٹ میکو ریسہ نا بناءِ کننگ والا ءِ۔ اوپارےکہ آخبت خڑک اٹی چین نا کمک اٹ پنچ اقتصادی راہداری تا بناءِ کننگ انگ ءِ ۔ احسن اقبال پارے کہ بلوچستان ناالس کن کاروباری وارخواہی تیٹی ودکی کن ہند جوڑ کننگ انگ ءِ۔ علاقائی رابطہ غاتیٹی ایس سی او نا کڑد آ تران کرسا اوپارےکہ ریلوائی لائن و سڑک آتا تفنگ آن نیامی ایشیائی ریاست آتون واپاری تعلقداری سوگو مریک۔ اسہ سوج اسے نا ورندی ٹی اوپارے کہ ڈیہہ اٹی زرگزرانی سرجزآتا مون آدننگ کن گوادر وعمان نا نیام اٹ بحری کسرتے بحال کننگ مریک ۔ داوڑنا بنداوی پنجر تا شونداری ڈیہہ اٹی واپاری کسر تے گچین کننگ اٹ اہم کڑد ادا کیک، ہراڑآن گڑاتا ات و در و واپاری ہل و تس ءِ مون آ دننگ ملک۔ اسہ سوج اسے نا ورندی ٹی اوپارےکہ ڈیہہ اٹی زرگزرانی سرجزآتا مون آدننگ کن گوادر و عمان نا نیام اٹ بحری کسر تے بحال کننگ اسہ اہم ءُ گام اس مننگ کیک۔ داڑآن نئے بیرہ پاکستان وعمان نا نیام اٹ واپاری رابطہ غاتیٹی گچینی بریک بلکن دا مچ آ ڈیہہ اکن اسہ اہم واپاری راہداری سے نا وڑاٹ ہم کاریم کیک،ہرا نیامی ایشیائی ملک آتے بحیرہ عرب نا کمک اٹ جہانی منڈی تسکان رسینگ فراوان کننگ کیک۔
