چینی مزن وزیر ءِ گوما سک باز آسری  گپ ءُ تران بوت، سی پیک ءِ چیر دستی ءَ ھاسیں گامگیج آنی سر ءَ دیمروئی  ءِ سر ءَ دل یکیمی بوت، مزن وزیر شہباز شریف

اسلام آباد۔14اکتوبر  (اے پی پی):مزن وزیر محمد شہباز شریف ءَ گوشت کہ آئی ءَ گوں چینی مزن وزیر لی چیانگ ءَ سک باز پائدگ مندیں گپ ءُ   تران کتگ، سی پیک ءِ چیر دستی ءَ ھاسیں گامگیج آنی سر ءَ بوتگیں پیشرفت ءِ سر ءَ وشھالی ءِ درشانی کتگ ایشی ءَ را دل یکیمی کنگ ءِ سر ءَ تپاک کنگ بوتگ۔ دوشمبے ءِ روچ ءَ ایکس ءِ سر ءَ وتی پوسٹ ءِ تہ ءَ مزن وزیر ءَ گوشت کہ سی پیک منصوبگ آناں وھد ءِ سر ءَ سرجم کنگ ءِ سر ءَ مزن وزیر چین ءِ گوما گپ ءُ   تران ءَ تپاک کنگ بوتگ۔ گند ءُ نند ءَ تجارت، سرمایہ کاری، معیشت، کشت ءُ کشاری، توانائی، انفارمیشن ٹیکنالوجی ءُ دفاعی شوبگ آنی تہ ءَ کمک ءَ را گیش کنگ ءِ سر ءَ ھیال ریچی کنگ بوت۔ مزن وزیر ءَ  گوشت کہ مئے بنیاتی جیڈھ آنی سر ءَ  مئے اسٹریٹجک شریکداری ءُ   سرپدی دمگی برجائی ءُ   وشھالی ءِ  بنیات اِنت۔ مزن وزیر ءَ  گوشت کہ ما یکجائی ءَ  نوکیں گوادر انٹرنیشنل بالی پٹ ءِ  سرجمی ءِ  مراگش ءِ  سروکی کت ءُ   ھاسیں تپاک  دستاویز آنی مٹ مھکمی ءِ  تہ ءَ  بھر زرت ایشی ءَ  چہ جتاجتائیں شوبگ آنی تہ ءَ  دوئیں ملک آنی نیام ءَ  وت مہ وتی کمک ءَ  گیش بیت۔