اسلام آباد۔14اکتوبر (اے پی پی):مزن وزیر محمد شہباز شریف ءُ چینی مزن وزیر لی چیانگ ءَ جار جتگ کہ گوادر نہ ایوک ءَ دمگی دیمروئی ءِ محور انت بلکیں پاکستان ءِ واستہ مئے یکجائی ءِ آیوکیں وھد ءُ سرجمیں دیمروئی ءِ عزم انت۔ بے مٹ اِنت۔ اے ھیالانی درشانی آئی ءَ دوشمبے ءِ روچ ءَ مزن وزیر گس ءَ نوکیں گوادر میاں اوستمانی بالی پٹ ءِ سرجمی ءِ ورچوئل مراگش ءَ گوں گشتانک دیان ءَ کت۔ مزن وزیر محمد شہباز شریف ءَ گوشت کہ پاکستان ءُ چین ءَ صنعت، کشت ءُ کشاری ءُ تجارت ءَ ھوار جتا جتائیں شوبگ آنی تہ ءَ تپاک نامہ ءِ سر ءَ دستخط کتگ اے دو نیمگی معاہدہ دوئیں دوستیں ملک آنی نیام ءَ یک نوکیں باب ءِ گیشی انت منت وار، آئی ءِ تر ءُ تاب ءَ چہ دیمروئی ءِ عزم ءِ پدا پدر کنگ بیت۔ دوئیں ملک آنی نیام ءَ دوستی ءِ بابت ءَ گند ءُ نند ءِ تہ ءَ مئے کارآمد ءُ جوڑیشت ءِ گپ ءُ تران بوتگ۔ آئی ءَ گوشت کہ پاکستان ءِ دیمروئی ءِ واستہ چین ءِ مھکمیں جزم ءَ سرپد آں، صدر شی جن پنگ گوادر بالی پٹ ءِ سوگات دیگ ءِ واستہ چین ءِ الس ءِ منت وار انت، پاکستان ءِ اقتصادی دیمروئی ءِ ایجنڈا ءُ پد منتگیں دمگ آنی دیمروئی ءَ ھوار دگہ پڑ آنی تہ ءَ کمک ءِ واستہ چینی الس ءِ منت وار انت۔ .شکر انت تھنا گوادر نہ بلکیں سرجمیں ملک چہ CPEC ءِ چیر دستی ءَ کار کن آں ۔ آئی ءَ گوشت کہ گوادر بالی پٹ ءِ سرجمی ءِ واستہ چینی ءُ پاکستانی انجینئر ءُ کارکن آنی بے مٹیں کوشست آنی گوما اے جھان ءِ درجہ ءِ منصوبگ سرجم بوتگ چین ءِ نیمگ ءَ چہ پاکستان ءَ داتگیں اے یاتگاریں سوگات ءَ را دائم ءَ یات کنگ بیت۔ مراگش ءِ تہ ءَ تران کنان ءَ چین ءِ مزن وزیر لی کیانگ ءَ گوشت کہ من گوادر بالی پٹ ءِ سرجمی ءِ پد ءَ چین ءِ سرکار ءُ الس ءَ را مبارکی دیان آں، اے منصوبگ ءِ سرجمی ءِ واستہ چینی ءُ پاکستانی کارکناں شپ ءُ روچ محنت کتگ، کوشست ستا کرز ایت، گوادر انٹرنیشنل ءِ سرجمی ہوائی اڈہ یک اہم سنگ میل ءِ سرا انت۔ آئی ءَ گوشت کہ گوادر ءِ دمگی دیمروئی ءِ محور بوھگ دوئیں ملک آنی نیام ءَ مھکمیں دوستی ءِ آدینک اِنت، پاکستان ءِ دیمروئی ءِ واستہ چین وتی کرد ءَ برجاہ دار ایت، پاکستان ءِ اُلس ءِ وشھالی مئے دل ءِ نزیک اِنت۔ آئی ءَ گوشت کہ وھد ءِ گوزگ ءَ گوں دوئیں ملک آنی نیام ءَ اسٹریٹجک شریکداری گیش مھکم بیت، یکجائی آیوکیں باندات ءُ دیمروئی ءِ مول ءُ مراد آنی واستہ مئے جزم بے درور اِنت۔ اے موہ ءِ سر ءَ بنجاھی ءِ منصوبہ بندی ءُ دیمروئی ءِ وزیر احسن اقبال ءَ ھم گپ جتگ۔
