پاکستان ءِ دمگ ءَ یک ھاسیں ءُ   برجائیں  کردے است انت، استیں حکومت ملک ءِ سفارتی ایوکی ءِ ھلاسی ءَ سوبین بوتگ، پاکستان ءَ ایس سی او ءِ سروک دیوان ءِ برجم دارگ ءَ پاکستان ءِ پجار ءِ جھان ءِ تک ءَ پدا زندگ بوتگ، عطا اللہ تار

اسلام آباد۔14اکتوبر  (اے پی پی):بنجاہی ءِ درئی کار، نشریات، راجی ورثہ ءُ دود ءُ ربیدگ ءِ وزیر عطا اللہ ترار ءَ گشتگ کہ پاکستان ءِ دمگ ءِ تہا یک ھاسیں ءُ متحرکیں کردے است انت۔ بازیں ملک آنی 10 لیول ءِ ڈل پاکستان ءِ تر ءُ  تاب ءَ انت، پاکستان ءَ ایس سی او ءِ سروک دیوان ءِ برجم دارگ ءَ پاکستان ءِ عکس ءَ را جھان ءِ تک ءَ بحال کتگ۔ آئی ءَ اے گپ دو شمبے ءَ ادا پاک چین ءِ دوستی مرکز ءَ میڈیا آسراتی سنٹر ءِ بنگیج کنگ ءَ پد میڈیا ءَ گوں تران کنان ءَ کت۔ بنجاھی ءِ وزیر آہوالکاری ءَ گوشت کہ استیں حکومت ءِ تہ ءَ ملک ءِ سفارتی انزوا ھلاس بوتگ، پاکستان ءِ پڑ ءَ ھاسیں ءُ  متحرکیں کرد است انت، دری محاذ ءِ سر ءَ سوبمندی ءِ سفر برجاہ انت۔ آئی ءَ گوشت کہ گوستگیں روچاں ملائیشیا ءِ مزن وزیر انور ابراہیم ءَ پاکستان ءِ سوبمندیں تر ءُ  تاب کتگ، دوئیں ملک آں جتاجتائیں پڑ آنی تہ ءَ وت مہ وتی کمک ءَ را گیش کنگ ءِ واستہ معاہدہ آنی سر ءَ دستخط کتگ۔ آئی ءَ گوشت کہ ملائیشیا ءِ مزن وزیر ءِ تر ءُ  تاب ءِ ھما دمان ءَ پد سعودی عرب ءِ سرمایہ کاری ءِ وزیر ءِ سروکی ءَ سعودی عرب ءِ ڈل ءَ پاکستان ءِ تر ءُ  تاب کتگ ءُ  پاکستان ءَ 2 ارب 2ارب ڈالر ءِ سرمایہ کاری ءِ معاہدہ کتگ ۔ بنجاھی ءِ وزیر آہوالکاری ءَ گوشت کہ پاکستان ءِ اقتصادی اشارہ جوان اَنت، افراط زر ءِ شرح گوستگیں وھد ءَ 32درسد ءِ مقابلہ ءَ 6.9درسد ءَ چہ کم بوتگ، زرّ ءِ ذخیرہ ءُ  آئی ٹی ءِ برآمدات ءَ ھم گیشی بوتگ۔ آئی ءَ گوشت کہ اے مالی سال ءِ اولی سہ ماہی ءِ ساھت ءَ زرّ ءِ دیم دیگ 8.8ارب ڈالر ءَ سر بوتگ۔ آئی ءَ گوشت کہ میاں اوستمانی مالیاتی ادارگ، میاں اوستمانی مالیاتی فنڈ ءُ  ورلڈ بینک ءَ پاکستان ءِ معیشت ءِ توسیپ کتگ ءُ  بلومبرگ ءِ وڑیں نامداریں مالیاتی جرنل آنی نیمگ ءَ پاکستان اسٹاک ایکسچینج ءَ را خطہ ءِ تہ ءَ گیش ابرمیجنگ مارکیٹ ءِ جار جتگ۔ آئی ءَ گوشت کہ چین ءِ مزن وزیر لی کیانگ پاکستان ءِ تر ءُ  تاب ءَ انت، 11سال ءَ پد اے چین ءِ مزن وزیر ءِ اولی تر ءُ  تاب انت کہ مئے واستہ شرف انت۔ بنجاھی وزیر ءَ گوشت کہ چین ءَ مدام پاکستان ءِ نیمگ ءَ دوستی ءِ دست شہار داتگ۔ آئی ءَ گوشت کہ گوستگیں روچاں مزن وزیر محمد شہباز شریف ءِ چین ءِ تر ءُ  تاب ءَ پد چین پاکستان اقتصادی راہداری ءِ دومی بھر بندات بوتگ ایشی ءِ ساھت ءَ کاروباری کمک ءِ تہ ءَ گیشی بیت۔ بنجاھی ءِ وزیر آہوالکاری ءَ گوشت کہ چین ءُ  پاکستان اقتصادی راہداری ءِ اولی بھر نواز شریف ءِ دور ءَ بندات کنگ بوتگ، ایشی ءِ چیر دستی ءَ موٹروے ءِ نیٹ ورک ایر کنگ بوتگ، گوادر بندرگاہ ءَ را چالو کنگ بوتگ، بازیں صنعتی یونٹ ءُ  ھاسیں اقتصادی زون جوڑ کنگ بوتگ The Power Sector۔ لوڈ شیڈنگ ءِ گوں دیم پہ دیم بوھگ ءِ ھاترا نوکیں رنگے ءَ جوڑ کنگ بوتگ۔ آئی ءَ گوشت کہ پاکستان ءَ چینی سرمایہ کار انڈسٹریل یونٹ جوڑ بہ کن انت پرچا کہ ادا پیداوار ءِ ھرچ ءُ  درچ کم انت۔ پاکستان چین ءِ سرمایہ کار آناں ھمک رنگ ءِ آسراتی پجارین ایت۔ بنجاہی وزیر ءَ گوشت کہ پاکستان ءِ میزبانی ءَ ایس سی او سروک دیوان 27سال ءَ پد مزنیں مراگش انت۔ ایس سی او سروک دیوان ءِ میزبانی کنگ پاکستان ءِ واستہ شرپ ءِ گپ اِنت، ایس سی او سروک دیوان ءِ موہ ءَ اسلام آباد جوانیں رنگ ءَ سجگ بوتگ۔ آئی ءَ گوشت کہ پاکستان ءِ الس سک باز مہمان نواز اَنت ءُ  توامیں مہمان آناں گوں گرمیں وش اتک ءَ کن اَنت۔ بنجاھی ءِ وزیر آہوالکاری ءَ میڈیا آسراتی مرکز ءَ جدید ترین آسراتی پجاری ءِ ھاتر ءَ بنجاھی ءِ سیکرٹری آہوالکاری امبرین جان ءِ سروکی ءَ وزارت وانگ ءُ زانگ ءُ نشریات ءِ سرجمیں ٹیم ءِ کوشست آناں ساڑات۔ وزارت دود ءُ ربیدگ ءُ نشریات ءَ ملک ءِ نظریاتی سیمسر آنی رکھینگ ءِ ذمہ واری انت ۔ میگا ایونٹ ءِ کوریج کنگ ءِ واستہ آیوکیں درملکی اھوالکار آنی واستہ جوانیں بندوبست کنگ ءِ واستہ پرنسپل انفارمیشن آفیسر مبشیر حسن ءِ کرد ستا کرز انت۔ بنجاہی ءِ وزیر اھوالکاری ءُ شنگ کاری ءِ    جست آنی پسو ءَ گوشت کہ ایس سی او سروک دیوان پاکستان ءَ بوتگ ایشی ءَ چہ میاں اوستمانی تک ءَ پاکستان ءِ امیج پدا بحال کنگ بوتگ۔ آئی ءَ گوشت کہ اے موہ ءِ سر ءَ پاکستان ءِ جتائیں ءُ   یکپارچیں دود ءُ   ربیدگ ءُ   میراث ءَ را پدر کنگ ءِ کوشست کنگ بوھگ ءَ انت۔ آئی ءَ گوشت کہ مئے وژن وتی دود ءُ ربیدگ، دیمروئی ءِ لیکہ ءُ امن سوچ ءَ را پدر کنگ ءُ پاکستان ءِ بابت ءَ ردیں لیکہ آناں دور کنگ اِنت۔ 15اکتوبر ءَ یک سیاسی گلے ءِ زھرشانی ءِ کال ءِ بابت ءَ جُست ءِ سر ءَ بنجاھی ءِ وزیر آھوالکاری ءَ گوشت کہ یک نیمگ ءَ انا پرستی ءُ دومی نیمگ ءَ راج دوستی ھست۔ آئی ءَ اے گپ ءِ پدرائی کت کہ پاکستان ءَ چہ مستریں سیاسی رہشون یا پارٹی نیست ۔ آئی ءَ گوشت کہ تحریک انصاف ءِ گوانک بے زمہ واری ءُ بے زمہ واری ءِ درشان انت، وت ماں وت ءَ تپاوت است انت، تحریک انصاف ءِ بازیں مزنیں سروکاں ایشی ءِ مخالفت کتگ، آ مردم انت کہ وت ماں وت جنگ ءَ انت، آ نہ کن انت وت ءَ سرپد بہ بنت ھاں اگاں زھرشانی کنگ لوٹ اَنت گڑا وتی لوگاں بہ نند اَنت، اسلام آباد ءَ سکیں سیکورٹی بندوبست کنگ بوتگ، شھر ءَ کس ءَ زھرشانی کنگ ءِ اجازت نہ بیت۔ یک جست ءِ پسو ءَ آئی ءَ گوشت کہ وزارت وانگ ءُ   زانگ ءُ   نشریات ءَ شنگھائی کمکی گل ءِ سروکیں دیوان ءِ واستہ یک نوکیں رسانکدر ءِ آسراتی ءِ مرکز جوڑ کتگ۔ آئی ءَ گوشت کہ پاکستان ءِ ھیال انت کہ ایس سی او پڑ ءِ امن ءُ   وشھالی ءِ واستہ سک باز ھاسیں کرد پیلو کت کنت۔ مزن وزیر شہباز شریف شنگھائی کوآپریشن آرگنائزیشن ءِ سروک دیوان ءَ فلسطین ءُ کشمیر ءِ جیڈھانی بابت ءَ پاکستان ءِ لیکہ ءَ پیش کنت۔ آئی ءَ گوشت کہ پاکستان ءِ یک پدریں موقف ءِ است انت کہ غزہ ءَ بے گناہ ءُ   بے گناھیں فلسطینی آنی نسل کشی بوھگ ءَ انت، جنگی جرائم کنگ بوھگ ءَ انت ءُ   اے جرم آنی مجرم اسرائیل انت کہ ایشی ءِ احتساب کنگ بہ بیت۔ آئی ءَ گوشت کہ پاکستان القدس الشریف ءَ را دارالحکومت جوڑ کنان ءَ جنگ بندی ءُ   1967 ءَ پیسر ءِ فلسطین ءِ سیم سر آنی ترندیں کمک ءَ کنت ءُ   یک آجوئیں فلسطینی ریاست ءِ جوڑیشت ءِ لوٹ ءَ کنت۔ آئی ءَ گوشت کہ پاکستان ءَ فلسطینی میڈیکل ءِ نودربر آناں پاکستان ءِ وانگ ءُ   زانگ ءِ ادارگ آنی تہ ءَ وانگ ءُ   زانگ ءِ پیشکش کتگ، ایشی ءِ سر ءَ پاکستان ءِ حکومت عمل کنگ ءَ انت۔ دگہ جستے ءِ پسو ءَ آئی ءَ گوشت کہ پاکستان ءُ   چین ءِ دوستی دیریں انت کہ یک مشترکہ اسٹریٹجک شریکداری ءَ چہ باز دیم ءَ انت۔ اے دوستی دہائیاں چہ نسل نسل ءَ دیم ءَ اتکگ۔ آئی ءَ گوشت کہ پاکستان ءِ حکومت ءَ چین ءِ شہری آنی رکھینگ ءِ واستہ سکیں سکیں بندوبست کتگ انت۔