شنگھائی تعاون تنظیم ءِ حکومت ءِ سروک آنی کونسل ءِ 23می دیوان (باندا) اسلام آباد ءَ بندات بیت

اسلام آباد۔14اکتوبر  (اے پی پی):شنگھائی تعاون آرگنائزیشن ءِ باسکیں ملک آنی حکومت ءِ سروک آنی کونسل ءِ 23می دیوان بنجاھی شھر ءَ اسلام آباد ءَ بندات بیت۔ ءُ   ھمے رنگ ءَ دود ءُ   ربیدگ ءِ سیادی ءِ سر ءَ دلگوشی ءُ   کمک ءَ را گیش کنگ ءِ سر ءَ گپ ءُ   تران کنگ بیت۔ شنگھائی کوآپریشن آرگنائزیشن ءِ سروک دیوان ءَ بھر زوروکیں ملک آنی نمائندہ آناں پیسر ءَ چہ بنجاہ ءِ دارالحکومت ءَ سر بوھگ بندات کتگ۔ رنگ رنگیں چراگ، پُلانی زیب ءُ زیبائی ءُ ایس سی او ءِ ملک آنی پرچم ءُ بینر شہر ءِ زندمانی ءَ را گیش کتگ، اسلام آباد ءِ مستریں چوک آنی سر ءَ ایل ای ڈی ڈسپلے اسکرین ایر کنگ بوتگ انت تانکہ درملکی مہمان آناں وش آتک کنگ بہ بیت۔ شہر ءِ سرجمیں ھاسیں جاہ رنگ رنگیں چراگ ءُ پاکستانی پرچماں گوں زیبدار کنگ بوتگ انت۔ چین ءِ اسٹیٹ کونسل ءِ مزن وزیر لی کیانگ مزن تک ءِ ڈل ءِ گوما دارالحکومت بنجاہی ءَ سر بوتگ اودا آ پاکستان ءِ سول ءُ   فوجی سروکی ءَ گوں گند ءُ   نند کنت۔ شنگھائی کوآپریشن آرگنائزیشن ءِ دومی مستریں فورم اسکوچ جی ءِ دو روچی دیوان ءِ سروکی ءَ مزن وزیر محمد شہباز شریف کونسل ءِ انوگیں چیئرمین ءِ بستار ءَ کنت۔ شنگھائی تعاون آرگنائزیشن ءِ باسکیں ملک آنی سروک آنی تہ ءَ کہ سروک دیوان ءَ بھر زرتگ ات، چین ءِ مزن وزیر اسٹیٹ کونسلر لی چیانگ، بیلاروس ءِ مزن وزیر رومن گولوفچنکو، قازقستان ءِ مزن وزیر اولاداسبیک ٹینوف، روس ءِ مزن وزیر میخائل مشوستین، تاجکستان ءِ وزیر اعظم خوسول رسول مزن وزیر عبداللہ اریپوف، کرغزستان ءِ وزیرانی کابینہ ءِ چیئرمین داپارو اکیلبک، ایران ءِ اولی نائب صدر محمد رضا عارف ءُ ہندوستان ءِ درئی کارانی وزیر سبرامنیم جے شنکر ءِ تہ ءَ ھوار انت۔ ایشی ءَ ابید منگولیا مزن وزیر ءِ نمائندگی ءَ مبصر ءِ بستار ءَ سروکیں دیوان ءَ بھر زوری کنگ ءَ اِنت، ترکمانستان ءِ نمائندگی ءَ وزیر کابینہ ءِ نائب چیئرمین راشد مریدوف ھاسیں مہمان ءِ بستار ءَ ھوار اِنت۔ دیوان ءَ ھواریں دگہ مہمان آنی تہ ءَ ایس سی او ءِ سیکرٹری جنرل ژانگ منگ، ایگزیکٹو کمیٹی ایس سی او ءِ دمگی انسداد ناشرکاری ءِ ڈھانچہ ءِ ڈائریکٹر رسلان مرزیف، ایس سی او ءِ کاروباری کونسل ءِ بورڈ ءِ چیئرمین عاطف اکرام شیخ ءُ ایس سی او ءِ انٹر بینک ءِ کونسل ءِ ھوار بوتگ اَنت۔ ، ھوار اِنت۔ شنگھائی کوآپریشن آرگنائزیشن ءِ باسکیں ملک آنی سروک حکومت آنی کونسل ءِ دیوان ءَ معیشت، تجارت، چاگرد ءُ   چاگردی ءُ   دود ءُ   ربیدگ ءِ سیادی آنی پڑ ءَ برجاھیں کمک ءِ سر ءَ گپ ءُ   تران کنگ بیت ءُ   تنظیم ءِ کارکردگی ءِ ارزشت دیگ بیت۔ شنگھائی کمک تنظیم ءِ باسکیں ملک آنی سروک کمک ءَ را گیش گیش کنگ ءُ   تنظیم ءِ بجٹ ءِ منظوری ءِ واستہ ھاسیں تنظیمی پیسلہ کن اَنت۔