اسلام آباد۔14اکتوبر (اے پی پی): چین ءِ مزن وزیر لی چیانگ چارروچ ءِ دو نیمگی تر ءُ تاب ءِ واستہ پاکستان ءَ شتگ۔ اے تر ءُ تاب ءِ وھد ءَ مزن وزیر چین ملک ءِ مزن مزنیں سول ءُ فوجی کارندہ آں گوں گند ءُ نند کنت ءُ شنگھائی کمکی گل ءِ سروک حکومت ءِ کونسل ءِ دیوان ءَ بہر زوریت۔ چین ءِ مزن وزیر ءِ گوما یک مزنیں تک ءِ ڈل ءِ است انت کہ ایشی ءِ تہ ءَ وزیر ءُ مزنیں کارندہ ھوار انت ایشی ءِ تہ ءَ وزارت ءِ درئی کار ءُ تجارت ، راجی دیمروئی ءُ اصلاحات کمیشن ءُ چنائی ءِ میاں اوستمانی دیمروئی ادارگ ءِ کارندہ ھوار انت۔ گوستگیں 11سال ءَ پد اے کجام ھم مزن وزیر ءِ پاکستان ءِ اولی تر ءُ تاب اِنت ءُ مزن وزیر ءُ درئی کارانی وزیر اسحاق در، بنجاھی کابینہ ءِ ایندگر باسک ءُ سرکاری مزنیں کارندہ آں مزن وزیر ءَ را نورخان ائیربیس ءَ سر بوھگ ءِ وھد ءَ وش اتک کت اے موہ ءِ سر ءَ پاکستانی روایتی پوشاک ءَ دو زھگاں شرپداریں مہمان ءَ را گلدستہ ایر کت وھدیکہ مہمانیں مزن وزیر ءَ را 21 ٹوپ آنی سلامی دیگ بوت۔ پاکستان ءِ سلاہ بندیں اُرد ءَ اے مزنیں مہمان ءَ را سلام پیش کت۔ چین ءِ مزن وزیر ایشی ءَ پد مزن وزیر شہباز شریف ءَ گوں مزن وزیر گس ءَ گند ءُ نند کنت، اودا سرکاری وش اتک ءِ واستہ آئی ءِ ہمراہی ءَ گارڈ آف آنر پشاش کاک ہم بیت۔ ایشی ءَ پد دوئیں مزن وزیر ڈل آنی تک ءَ گپ ءُ تران کن اَنت ایشی ءِ تہ ءَ چین پاکستان اقتصادی راہداری ءِ چیر دستی ءَ اقتصادی ءُ تجارتی سیادی ءُ کمک ءَ ھوار پاکستان ءُ چین ءِ سیادی ءِ توامیں تک ءُ پھنات آنی سر ءَ گپ ءُ تران کنگ بیت (سی پک ٹو) ءُ اے دگہ میگا منصوبگ آنی سر ءَ گپ ءُ تران کنگ بیت۔ دو نیمگی کمک ءَ را گیش مھکم کنگ ءِ ھاترا مفاہمت نامہ ءِ سر ءَ ھم دستخط کنت۔ مزن وزیر چین گوادر ءِ میاں اوستمانی بالی پٹ ءِ ھم بنگیج کنت مزن وزیر چین ءِ تر ءُ تاب ءِ ساھت ءَ صدر آصف علی زرداری ءُ پاکستان ءِ پارلیمانی سروک ءُ مزنیں فوجی نمائندہ آں گوں گند ءُ نند کنت۔ ایشی ءَ ابید 16-15 اکتوبر ءَ اسلام آباد ءَ برجم بوھوکیں شنگھائی کمکی گل ایس سی او ءِ سروک حکومت ءِ کونسل ءِ دیوان ءَ بھر زوری کن انت۔
