اسلا م آباد۔ 14 اکتوبر (اے پی پی) وزیراعظم محمد شہباز شریف پارینے کہ پاک چین سدابہار تزویراتی کمکاری و شریداری علاقائی امن و شونہالی کن مزل نا نشان اسے۔ دوشنبے نادے آراجی رابطہ پلیٹ فارم ’ایکس‘آ تینا پوسٹ اٹی وزیراعظم محمد شہباز شریف پارےکہ چین نا اسٹیٹ کونسلر و وزیراعظم لی چیانگ ءِ اسلام آباد اٹی بخیرکرسا اودے خوشی مسنے۔ وزیراعظم پارے کہ او تینا ایلم، اسٹیٹ کونسلر …
پاک چین سدابہار تزویراتی کمکاری و شریداری علاقائی امن و شونہالی کن مزل نا نشان ءِ، وزیراعظم محمد شہباز شریف
گیشتریں ھال
اسلا م آباد۔ 14 اکتوبر (اے پی پی) وزیراعظم محمد شہباز شریف پارینے کہ پاک چین سدابہار تزویراتی کمکاری و شریداری علاقائی امن و شونہالی کن مزل نا نشان اسے۔ دوشنبے نادے آراجی رابطہ پلیٹ فارم ’ایکس‘آ تینا پوسٹ اٹی وزیراعظم محمد شہباز شریف پارےکہ چین نا اسٹیٹ کونسلر و وزیراعظم لی چیانگ ءِ اسلام آباد اٹی بخیرکرسا اودے خوشی مسنے۔ وزیراعظم پارے کہ او تینا ایلم، اسٹیٹ کونسلر و وزیراعظم لی چیانگ نا تاریخی و فائدہ ئی دورہ نا چاری ءِ ہرا پاک چین سنگتی ءِ پین سوگو و کڑمب کننگ اٹ کمکار مریک۔ وزیراعظم پارےکہ نن ہڑتوم آ کنڈآتا گام گیج خاص کر چین پاکستان اقتصادی راہداری (سی پیک) آ پیش رفت نا جاچ ءِ ہلینہ و تین پہ تینی فائدہ غا تالان کمکاری نا پوسکن ءُ کسر ہم پٹنہ۔ وزیراعظم پارے کہ پاک چین سدابہار تزویراتی کمکاری وشریداری، علاقائی امن و شونہالی کن مزل نا نشان اسے۔
