اسلام آباد۔ 06 اگست (اے پی پی) قومی پارلیمانی ٹاسک فورس انا کنوینر بلال اظہر کیانی پارینے کہ قومی اسمبلی الیکشن ایکٹ ترمیمی بل انا منظوری ءِ تسنے ۔ سے شنبے نادے آ پارلیمنٹ ہاؤس نا پیشن صحافی تتون گپ وتران کرسا بلال اظہرکیانی پارےکہ ای غٹ قومی اسمبلی نا باسک آتا منت وار اُٹ ہرافک گیشتری سلاہ اٹ بل ءِ منظور کرینو۔ اوپارے کہ پارٹی سرٹیفکیٹ نابارواٹی بل اٹی پین وضاحت پیش کننگانے۔ اوپارے کہ مخصوص نشست آتا بارواٹی کانود ءِ پین پیدوار کننگانے۔ بلال اظہر کیانی پارے کہ بل اٹی آجواومیتدار ناحیثیت نا بارواٹی ہم وضاحت کننگانے، اومیت ءِ سینیٹ آن ہم دابل منظور مرسا کانود نادروشم اس اختیار کیک۔ اوپارے کہ الیکشن ایکٹ 2017ءِ پین پیدوار کننگ کن اوٹی ترمیم کننگانے۔ بلال اظہرکیانی پارےکہ سپریم کورٹ نا فیصلہ نا بابت اِرا جج اختلافی نوٹ نوشتہ کرینو، اوفتا سلاہ غٹ انا مون آ بسنے۔ اوپارے کہ سنی اتحاد کونسل ءِ ریلیف تننگتنے وخت اس کہ پی ٹی آئی فریق الوکہ ولے ولدا ہم اودے ریلیف تننگانے۔ اوپارے کہ قومی و صوبائی اسمبلی تا گچین کاری الیکشن ایکٹ انا رداٹ مریرہ الیکشن ایکٹ اٹ اخس وضاحت مریک ہموخس ہی گچین کاری تیٹی ابہام چٹک۔ اوپارے کہ الیکشن ایکٹ ترمیم بل اٹی پین وضاحت کننگانے، بل آن گچین کاری عمل اٹ شفافیت بریک۔
