لاہور۔19اپریل (اے پی پی):مزن وزیر محمد شہباز شریف ءَ گوشت کہ پاکستان ءَ سرمایہ کاری ءِ واستہ جوانیں چاگرد است انت، نوکیں ٹیکنالوجی اقتصادی گہتری ءُ گیش روزگار ءِ موہ آرگ ءَ انت، دوستیں ملک کان کنی ءَ ھوار جتا جتائیں شوبگ آنی تہ ءَ سرمایہ کاری ءِ موہ پجارینگ ءَ انت، پاکستان ءَ انٹیفیل ٹیکنالوجی ءِ تہ ءَ بے دروریں ٹیلنٹ است انت۔ دیمروئی ءُ وشھالی ءِ راہ ءَ دیم ءَ برگ ءَ اِنت۔ آئی ءَ اے ھیالانی درشانی شمبے ءِ روچ ءَ روزینا ایکسپو سینٹر ءَ ہیلتھ انجینئرنگ اینڈ منرل شو ءَ گوں گشتانک ءِ ساھت ءَ کت۔ اے موہ ءِ سر ءَ وفاقی وزیر تجارت جام کمال، وفاقی وزیر پٹرولیم علی پرویز ملک، چیف ایگزیکٹو (ٹی ڈی اے پی) فیض احمد، صدر ایف پی سی سی آئی عاطف اکرام شیخ، بزنس کمیونٹی، درملکی نمائندہ، تجارت ءُ اقتصادی ماہرین ءُ اے دگہ مردم ھم ھوار اتنت۔ مزن وزیر محمد شہباز شریف ءَ گوشت کہ پاکستان ءَ سرمایہ کاری ءِ مزنیں موہ است انت، حکومت ملکی ءُ درملکی سرمایہ کار آناں ھرچ وڑیں آسراتی پجارینگ ءِ کوشست کنگ ءَ انت، انفارمیشن ٹیکنالوجی ءُ مصنوعی ذہانت ءِ پڑ ءَ بے دروریں ٹیلنٹ است انت، نوکیں ٹیکنالوجی معیشت ءَ را گہتر کت کنت ءُ 2018 ءَ گیش روزگار ءِ موہ پجارینگ ءَ انت۔ پاکستان ھاسیں رنگ ءَ معدنیات ءِ شوبگ ءَ کان کنی ءُ معدنیات ءِ شوبگ ءَ یکجائی منصوبگ آنی بندات کنگ ءِ مزنیں موہ است انت۔ مزن وزیر ءَ گوشت کہ پاکستان ءِ آبادی ءِ تہ ءَ 60درسد ءَ چہ گیش ورنا اَنت، مئے ورنا زانتکار اَنت، توانمند اَنت ءُ بے دروریں صلاحیت ءِ واھند اَنت، ورنا نوکیں تکنیک ءُ پیشہ وارانہ تربیت ءَ گوں وت ءَ را لیس کنگ ءَ اَنت۔ آئی ءَ گوشت کہ استیں حکومت ئِ روچ پہ روچ محنت ءُ جوانیں پالیسی آنی برکت ءَ پاکستان ئِ برآمدات ئِ تہ ءَ گیشی بوھگ ءَ اِنت۔ ما چہ ھما چیزاں رکّ اِتگیں کہ مارا چہ درملکاں درآمد کنگی اَت۔ پاکستان کان کنی ءُ دگہ معدنیات ءَ چہ مالا مال اِنت۔ مارا نوآبادیاتی، پٹ ءُ پول ءُ دیمروئی ءِ نیمگ ءَ روگی اِنت۔ نوکیں ٹیکنالوجی ءَ چہ پائدگ چست کنان ءَ پاکستان اے شوبگ آنی تہ ءَ وتی لوٹ ءُ گزر ءِ اقتصادی مول ءُ مراد آنی تہ ءَ آسانی ءَ سر بوت کنت۔ آئی ءَ گوشت کہ پاکستان ءَ افراط زر 38درسد ءَ چہ یک ہندسہ ءَ اتکگ، پالیسی ریٹ 22.5درسد ءَ چہ 12درسد ءَ اتکگ، اسٹاک مارکیٹ روچ پہ روچ سوبمندی ءِ کوڑ ءَ سر بوھگ ءَ انت۔ حکومت ءَ انوگیں وھد ءَ بجلی ءِ نھاداں مزنیں کساسے ءَ کمی کتگ کہ ایشی ءِ مول ءُ مراد ھر صنعت ءِ پیداواری ھرچ ءُ درچ ءُ بنیاتی چیزانی نھاداں کم کنگ ءُ ورنا آنی واستہ روزگار ءِ موہ پیداک کنگ اِنت۔ مزن وزیر ءَ گوشت کہ ما یکجائی منصوبگ آنی وسیلگ ءَ درست آناں وشھالی ءُ دیمروئی ءِ نیمگ ءَ راھشونی کنگ لوٹ آں ۔ دنیا ءَ کشت ءُ کشاری ءِ تہا مزنیں دیمروئی کتگ ءُ دیم ءَ شتگ بلے ما گران بھائیں وھد ءِ زوال کنگ ءَ اتیں۔ مزن وزیر ءَ گوشت کہ من وزیر ئِ تجارت ءُ سیادی داروکیں محکمہ آناں وشیں مراگش ئِ سر ءَ مبارک بات دیان آں۔ پنجاب ءِ سر وزیر مریم نواز ءُ سندھ ءِ سر وزیر مراد علی شاہ مزنیں کارے کنگ ءَ انت ۔ آئی ءَ گوشت کہ نمائش ءِ تہ ءَ کشت ءُ کشاری مشینری، گران بہائیں سنگ، دوائی ءُ اے دگہ شانداریں اسٹال است انت۔ مارا نوآبادیاتی، پٹ ءُ پول ءُ دیمروئی ءِ نیمگ ءَ روگی اِنت۔ اے سال 2025 ءِ جوانیں پروگرام اِنت کہ ایشی ءِ تہ ءَ تجارت ءُ معیشت ءِ رد ءَ کاملیں مہارت ءِ درشان کنگ بوتگ۔ چین، افریقہ، میاں اوستمانی، یورپ، امریکہ، ترکی ءُ دگہ ملکانی مزنیں مردمانی گندگ ءَ سک باز وشی بوت۔ من یک انچیں راجدپتری جاہ ءِ تر ءُ تاب کتگ کہ اودا کشت ءُ کشاری ءُ صنعت ءِ پڑ ءَ بے دروریں سرمایہ کاری ءِ موہ است انت، ایشی ءَ چہ پائدگ چست کنگ ءُ دوئیں ملک آنی نیام ءَ تجارتی ءُ دوستی ءِ سیادی ءَ را گیش کنگ بوت کنت، ایشی ءَ چہ بے روزگاری کم کنگ ءُ درملکی زرّ ءِ گیش کنگ بوت کنت۔ آئی ءَ گوشت کہ اے یک انچیں موہ اِنت کہ پاکستان توامیں ملک آناں دعوت دنت کہ آ ملک ءِ تہ ءَ سرمایہ کاری ءُ اقتصادی چست ءُ ایر آناں بے ترس ءُ بیم ءُ ریسک ءَ بندات بہ کن اَنت۔ انجینئرنگ، دواسازی، زرعی مشینری، سرجیکل سامان، انفارمیشن ٹیکنالوجی، مئے کرّا سکیں توانمند ءُ ورنائیں سروکی یے است، ایشی ءَ چہ ما وتی راجی معیشت ءَ را مھکم کت کنیں۔ نمائش ءِ تہا 860 درملکی نمائندہ آں بہر زرتگ ات ءُ اے موہ ءِ سر ءَ بازیں ملک آنی گوما معاہدہ ءُ معاہدہ کنگ بوتگ ات۔
