اسلام آباد۔19اپریل (اے پی پی):مزن وزیر محمد شہباز شریف ءَ کشت ءُ کشاری ءِ شوبگ ءَ را نوکیں لیکہ آنی سر ءَ دیمروئی دیگ ءِ سر ءَ زور پر دیان ءَ گوشت کہ زرعی وت واجہی ءِ ھاترا ورنا آنی توانائی ءُ تجربہ کاریں ماہرین آنی رہشونی ءَ را کارمرد کنگ ءِ سر ءَ زور پر دیان ءَ گوشت کہ پاکستان ءَ را زرخیزیں وت واجہی ءِ ھاترا b ماہرین، ءُ محنت کشیں کشت ءُ کشاری ءِ سرا کار کنگ ءَ انت۔ زرعی شوبگ ءَ دیم ءَ روگ ءِ ھاتر ءَ یکجاھیں حکمت عملی ءِ وسیلگ ءَ سیادی داروکیں گل آنی ھیال ءُ لیکہ آنی سر ءَ چار ءُ تپاسی کنگ ءُ کارمرد کنگ بیت۔ زرعی شعبہ زرعی کاٹیج صنعت، کسان ءُ میان استمانی کاروبار، ءُ اسٹوریج ءِ آسراتی ءِ دیمروئی ءَ چہ دیمروئی کنگ بوت کنت۔ مزن وزیر کارگس ءِ میڈیا ونگ ءِ نیمگ ءَ چہ جاڑی بوتگیں پریس ریلیز ءِ رد ءَ آئی ءَ اے گپ زرعی شعبہ ءِ زندگ کنگ، نوکیں چیز ءُ ملک ءِ پائیدار دیمروئی ءِ مول ءُ مراد ءِ چیر دستی ءَ ورنا زرعی ماہرین، سائنسدان، پٹ ءُ پولکار، کاروباری مردم ءُ برآمد کنوک آنی تہ ءَ ھواریں مزنیں تک ءِ مشاورتی دیوان ءَ گوں تران کنان ءَ گوشت۔ مزن وزیر ءِ سروکی ءَ بوتگیں دیوان ءَ راجی زرعی پالیشی ءَ را انوگیں لوٹ آنی گوما یکجا کنگ، ورنا آنی صلاحیت آناں کارمرد کنگ ءُ تجربہ کاریں ماہرین آنی رہشونی ءَ یک ھمگرنچیں ایکشن پلان ءِ جوڑ کنگ ءِ سر ءَ ھیال ءُ لیکہ کنگ بوتگ۔ گند ءُ نند ءَ وفاقی وزیر توان ڈاکٹر مصدق ملک، انفارمیشن ٹیکنالوجی ءُ ٹیلی کمیونیکیشن ءِ وزیر ءِ مملکت شزہ فاطمہ خواجہ، وفاقی وزیر انفارمیشن ءُ نشریات عطا اللہ تارڑ ءَ گوں بازیں ماہرین ءُ سیادی داروکیں اسٹیک ہولڈراں بہر زرتگ۔ مزن وزیر ءَ گوشت کہ مرچیگیں دیوان ءَ مارا ھاٹیگ ءِ دیمروئی ءِ واستہ پیشکش آنی چار ءُ تپاسی کنگی انت۔ پاکستان یک کشت ءُ کشاری ملکے ۔ اللہ تعالیٰ ءَ پاکستان ءَ را زرخیزیں زمین، توانمندیں کشت ءُ کشاری ماہرین، ءُ محنت کشیں کشت ءُ کشاری ءِ نعمت داتگ۔ مزن وزیر ءَ گوشت کہ پاکستان یک وھدے ءَ کپاس، گندم ءُ ایندگر سامان آنی تہ ءَ وت واجہ بوتگ بلے نوں مئے گندم ءِ پیداوار یک ایکڑ ءَ چہ دیمروئی کتگیں ملک آنی پیداوار ءَ چہ کم اِنت ءُ ما کپاس درآمد کنگ ءَ ایں ۔ مزن وزیر ءَ گوشت کہ ملک ئِ 65درسد آبادی دیہی ءَ نشتگ انت۔ ھما چیز کہ جیڑگ ءِ لائک اِنت آ ایش اِنت کہ اے آبادی ءِ زند ءِ رہبند ءِ شر کنگ ءُ میتگ ءِ ورنا آنی استعداداں کارمرز کنگ ءِ ھاترا چے چے گامگیج چست کنگ بوتگ اَنت۔ مزن وزیر ءَ گوشت کہ پاکستان ءَ لھتیں پرائیویٹ ادارگ زرعی مشینری جوڑ کنگ ئِ واستہ کار کنگ ءَ اَنت۔ یک زمانگے ءَ چہ درملک ءَ عام کٹائی کنوک اتکگ اتنت ءُ یک یا دو ادارہاں ہم “تپاک کنگ ءِ پروگرام” بندات کتگ ات۔ سروس کمپنی کسانیں کشت ءُ کشاری ءِ آسراتی ءِ ھاترا جوڑ کنگ بوتگ انت بلے آھانی منظمیں رنگ ءَ کمک نہ بوتگ۔ مزن وزیر ءَ گوشت کہ اللہ تعالیٰ ءَ مارا بے دروریں موہ ءُ صلاحیت داتگ، البت ھما پیشرفت کہ زرعی شوبگ ءَ کنگ لوٹ اتگ ات آ ھچ وڑ ءَ نہ بوتگ۔ ھمساھگیں ملک ءُ دگنیا ءِ دگہ ملکاں اے رد ءَ مزنیں دیمروئی کتگ ءُ دیم ءَ شتگ اَنت۔ مزن وزیر محمد شہباز شریف ءَ گوشت کہ مرچیگیں مشاورتی دیوان ءِ مول ءُ مراد ھمگرنچیں فریق آنی ھیال ءُ لیکہ آناں گوں دلگوشی ءَ گوشدارگ ءُ اے شوبگ ءَ دیم ءَ روگ ءِ واستہ ایشاں کارمرد کنگ انت۔ آئی ءَ گوشت کہ پاکستان ءَ کشت ءُ کشاری ءِ ھوالگ ءَ ملکی صنعت ءُ ایس ایم ایز ءِ تہ ءَ بے دروریں گنجائش است انت۔ مزن وزیر ءَ گوشت کہ آف سیزن ءِ سامان آنی واستہ جوانیں اسٹوریج ءِ بندوبست نیست ءُ ایشی ءِ ویلیو ایڈیشن ءِ واستہ کسانیں پلانٹ جوڑ کنگ نہ بوتگ انت، اودا مئے ورنا دیہی دمگ آنی تہ ءَ کار بندات کت کن انت، روزگار ءِ موہ رس ایت ءُ ایشی ءَ را برآمد کت کن انت۔ اے شوبگ ءِ سر ءَ ھم دلگوشی دیگ ءِ ضلورت اِنت۔ دیوان ءِ ساھت ءَ بھر زوروکاں کشت ءُ کشاری دیمروئی ءِ واستہ لھتیں کلیدی دمگ آنی نشاندہی کتگ ءُ جامع اصلاحات ءِ ضلورت ءِ سر ءَ زور پر داتگ ءُ سائنس ءِ سر ءَ بنیات ءِ سر ءَ حکمت عملی ءِ زورگ ءِ سر ءَ زور پر داتگ۔ زرعی ڈیجیٹلائزیشن ءُ مصنوعی ذہانت ءِ کارمرز کنگ ءَ چہ میتگ ءِ دمگاں اسمارٹ فون ءُ انٹرنیٹ ءِ دستیابی ءَ را گہتر کنگ،کشت ءُ کشاری ءِ مرکزی ڈیٹا بیس جوڑ کنگ ءُ زرعی ان پٹ ءِ دیم دیگ ءِ ھاتر ءَ بلاکچین ءُ کیو آر کوڈ سسٹم ءِ دیم ءَ آرگ ءِ تجویز پیش کنگ بوتگ۔ اے گپ ءِ سر ءَ تپاک کنگ بوتگ کہ پٹ ءُ پول ءُ دیمروئی ءِ پڑ ءَ مٹی ءِ زرخیزی ءُ جان سلامتی ءِ سر ءَ دلگوشی دیگ بہ بیت، نوکیں سائنسی رھبند آنی وسیلگ ءَ غذائیت ءِ پیداوار ءَ را گیش کنگ ءُ کشت ءُ کشاری ءِ گنجائش ءَ را گیش کنگ ءِ واستہ نجی ءُ سرکاری شریکداری ءَ تربیت ءِ پروگرام بندات کنگ بہ بیت۔ زرعی بنیاتی ڈھانچہ ءُ مشینی زراعت ءِ دیمروئی ءِ رد ءَ استیں مارکیٹ آناں گہتر کنگ، نوکیں مارکیٹ انفراسٹرکچر ءِ جوڑ کنگ ءُ نوکیں زرعی سامان آنی دستیابی ءَ را دل یکیمی کنگ ءِ سر ءَ زور دیگ بوتگ تانکہ پیداوار ءَ را گیش کنگ بہ بیت۔ ملکی ءُ درملکی سرمایہ کاری ءَ را دیمروئی دیگ ءِ ضلورت، زرعی وام آنی آسانی ءِ پھجارینگ ءُ زرعی مالیات ءِ موثر رسائی ءِ واستہ مالیاتی ادارگ آنی کرد ءَ را گیش فعال کنگ ءِ ضلورت ءِ سر ءَ زور پر دیگ بوت۔ قانونی ءُ انتظامی اصلاحات ءِ تہا حکومت ءِ کرد ءِ نوکیں رنگ ءَ جوڑ کنگ، یک شفافیں ریگولیٹری ڈھانچہ ءِ جوڑ کنگ ءُ پالیسی جوڑ کنگ ءِ تہا ماہرین، کشت ءُ کشاری ءُ سیادی داروکیں اسٹیک ہولڈر آناں ہوار کنگ ءِ سر ءَ زور دیگ بوت تانکہ دائمی ءُ موثر آسراتی رسگ ءَ بہ بنت۔ دیوان ءَ اے ھاسیں پڑ ءِ سر ءَ ھم چار ءُ تپاسی کنگ بوت کہ پاکستان ءَ فی ایکڑ زرعی پیداوار ایندگر ملک آنی مقابلہ ءَ کم اِنت۔ ماہرین ءَ اے کمی ءِ مستریں سبب آپ ءِ ناکارہ کارمرز کنگ، نا شریں کوالٹی ءِ بیج، زمین ءِ نا معیاری تیاری ءُ کود ءِ غیر سائنسی کارمرز کنگ ءِ سبب لیک اتگ۔ شریکیں مردماں یک رند ءَ اے گپ ءِ سر ءَ دلگوش گور کت کہ زرعی پیداوار ءِ تہ ءَ مزنیں گہتری آپ ءِ جوانیں کارمردی، کوالٹی ءِ بیج ءِ دستیابی ءُ نوکیں زرعی پٹ ءُ پول ءِ رژنائی ءَ توسیعی سروسز ءِ دیمروئی ءِ وسیلگ ءَ ممکن اِنت۔ گند ءُ نند ءِ گڈ ءَ شریکیں مردماں ورنا آناں راجی کشت ءُ کشاری دیمروئی ءِ بہر جوڑ کنگ ءِ جزم ءِ درشان کت، سائنسی پٹ ءُ پول ءَ را اولی ترجی ءَ دئیگ ءُ یکجائی کوشست آنی وسیلگ ءَ پاکستان ءَ کشت ءُ کشاری وت واجہی ءِ کشک ءِ سر ءَ آرگ ءِ جزم ءِ درشان کت۔ دیوان ءِ گڈ ءَ مزن وزیر ءَ ہدایت کت کہ درستیں پنچیں شوبگ آنی سر ءَ ترندی ءَ ورکنگ کمیٹی جوڑ کنگ بہ بنت ءُ دو ہفتگ ءِ تہ ءَ کارروائی ءِ لائکیں سفارشات پیش کنگ بہ بنت۔
